Бугун намойиш этиладиган футболга оид кўрсатувлар жадвали (Спорт ТВ, Матч ТВ, Футбол ТВ)

Эрта пишган қиммат қовун
Парник(иссиқхона)да пишган бодринг билан қуёш нурига тўйиниб пишган бодрингнинг орасида ер билан осмонча фарқ бор. “Парниковый” қандайдир узун, қулочдай келади. таъми ҳам унча ўтирмайди. Фақат оғиз ва ошқозон алдангани қолади. Серқуёш юртимиз шинни узумлари, новватдай сертаъм ўриклари ва тилни қирқ ёрадиган қовунлари билан донг таратган. Белоруссияда картошка бизнинг пахтамиз каби яккаҳоким. Беларусни “бульбаш” десангиз унчалик дар-азаб ҳам бўлмайди. Бизникиларни ҳам бир пайтлар “басмач” ёки “абрикос” деб аташарди. Лекин сўнги йилларда айниқса “кейинги уч йил ичида” ширин қовунлар мамлакатига айланиб бораётганимиз туфайли, яна бир тарафдан мартнинг бошиданоқ монопол уз автомоторсимиз думбул эрта пишган қовунни тақдим этганидан тилим қичишиб кетди. Бутун дунё COVID-19 коронавируси деб бонг уриб ётганида биздаги мухлисларсиз ўтадиган футбол учрашувлари пандемия кўринишини олиб италия ва испания, германия, буюк британия каби мамлакатларга ёйилгани юракга ғурур бағишлайди. Кимсан Роналду италия А серисининг марказий ўйини олдидан бўш қўлларини мухлисларга узатиб майдонга кириб келаяпти. Бу ҳолатни у ўзича фожеа сифатида қабул қилаётгани кўриниб турибди. Бизда эса қарийиб чорак асрдан бери футбол 22 та шовоз, УФФ, УФА ва валомат мурабийлар ва сохта чемпионлар учун ўйнаб келинаяпти. Тезаги ҳам олтиндан бўлиб кетган Узавтомотороснинг “Дамаси”ни қуйиб қўйиб ҳам “Пахтакор” стадионини нари қурса учдан бирига тўлдиришнинг имкони бўлмади. Тож вируси сабаб бизда барча футбол деган машмаша ёпилиб кетса ҳам боғоят шод бўлган бўлардим. Тўғри-да, биринчи турдан олдинроқ қуръа ташлашдаёқ қовун тушириш бошланган ва жиртаки собиқ танқидчи, бироз дам олишга зарурият етилганини айтганидаёқ. Чемпион номи олдиндан маълум эди. Биринчи бўлимга пойтахт жамоаси руҳан устунликда чиқиб кетиши учун ҳакам вазифасини ортиғи билан уддалади. Қуйи лигага туширилгани, абадий дарбадар қилингани ҳам ҳавони булғаб бўлганди. Унинг устига учинчи ўн йилдирки. Давлат, ҳокимлик, давлат ташкилоти, компания ва бошқа тадбирларларга зулукдаё пишиб. энасини сўришдан ҳали вери чиқмайдиган футбол деган шаталоқ бузоқ кимга ҳам керак? Энди асосий мавзуга ўтамиз. Хуллас, Узавтомоторос ими-жимида нарх белгилаб, икки кун қисиб ўтирганидан кейин сал ҳовур босилиши билан сўзамол депуталар –халқ вакиллари олдига чиқиб аравани роса олиб қочишди. Буни эплашди ҳам. Сиз монополсиз, сиз ноҳақсиз, сиз итсиз, сиз битсиз деганларида ҳам бездай бўлиб тураверишди азаматлар. Шуниси аниқққи хўроз ҳамма жойда бир хил қичқиравермас экан, айниқса бизнинг жайдари “ўзбекский” хўрозлар. Бутун дунёда бензин нархи, доллар курси нақ қоқ белигача тушишни бошлаган бўлса ҳам, бизникиларнинг бир туки ҳам қулт этмайди ёки акс таъсир формуласига гувоҳ бўлиш мумкин. Нақ ўн минг остонасига бориб қолган кўкимиз пича-пича пастлаётган эмиш. Тасанно! Растоможкани очайлик деган мард, унинг афзаликларини асослаб берадиган эксперт “свежий калалар” отасиинг белида ҳам йўқ, бу аниқ. Биз учун ҳурматли ва лаънатли Узавтосаноат инвентаризация баҳонасида бир хом чўт қилиб кўрса, россияда улоқиб юрган мигрантларимизнинг ва банклардан терисини шилиб олинадиган кредит олган “мўминтой”ларимизнинг бўйни чўзилиб қолибди. Гардкам, қамбағаликга қарши кураш бундай бўлибдур деган ақидада ва рақамли технологиялар йилидан унумли фойдаланиб 3-дан 21% гача рақамни ими-жимида тиқиштириб қўя қолди. Уларда ҳам инсоф бор экан 4,2 трилон солиқ тўлаяпмиз деб 100% ошириб юборишганида нима қилардингиз. Кимга додингизни айтасиз. Серқуёш юртнинг нақ икки юртбошиси бу саноатнинг мушугини пушт дейишга духи етмаган бўлса. Бойваччаларга бинойидек ярашадиган малибу нархи оширилмагани уларни қамбағаллар тоифасига тушириб юбормаслик учун кўрилган чорадир. Расмий айтилган 4 миллон амалда ундан икки баробар кўп мигрант ва қашоқларимиз учун ортга қайтиш учун йўлга яна бир тўсиқ қўйилди. 2 миллонга нон шаҳрида беш болани боқиш мумкин деб қичқирган хўроз муаллим вазир қани? Венесуэла, яна бир жунгли давлатлари билан бизни солиштириб мусаффо осмонимизни таранум этган вазир дамингиз ичингизга тушиб кетдими ёки оч қорним, тинч қулоғим, мустаҳкам амалим тамойилини тутдингизми? Ниҳоятда кеч қичқирадиган ва бошқа давлатларникидан умуман фарқ қиладиган бу бобақ хўрозларни алақачон грил қўш чўпига ўтказиб қўя оладиган мард борми? Хуллас Узавтомотороснинг эрта пишган қовуни ҳеч кимга ёқмади. Баҳор, футбол мавсуми энди бошланди, мазали қовунларни кутиб қоламиз. 3-тур учрашувлари якунидан бошлаб ҳар доим қовунлар муҳокамасини йўлга қўямиз. Гап йўғида бу ҳам бир эрмакда, энди. Кутинг! Ахир жонажон партиямизнинг даъватлари шундайку!

Bu dunyoni oxirida qiyomat bo'ladi, har bir yovuzlik, yomonlik jazosiz qolmaydi. ALLOH hammani ko'rib turibdi.

Bu dunyoni oxirida qiyomat bo'ladi, hech bir yovuzlik, yomonlik jazosiz qolmaydi. ALLOH hammani ko'rib turibdi.

SPIRT TV OUT.