Бугун футбол. Сафарда ҳали ғалаба қозонмаган "Сўғдиёна" бугун "Қўқон-1912" меҳмони бўлади
20 июн 2017 12:01
Янгиликлар

Бугун футбол. Сафарда ҳали ғалаба қозонмаган "Сўғдиёна" бугун "Қўқон-1912" меҳмони бўлади

Теглар : Сўғдиёна Қўқон-1912

Бугун олий лиганинг 14-тур баҳслари давом эттирилади. "Қўқон-1912" ўз майдонида "Сўғдиёна"ни қабул қилади.

"Қўқон-1912" биринчи турни мағлубият билан бошлаганди, шундан кейин жамоа қаторасига 11 ўйинда мағлуб бўлмади. Лекин ўтган тур қўқонликлар Тошкентда "Бунёдкор"га ютқазиб қўйишди.

Мана энди жамоа ўз майдонида сафарда ҳали ғалаба нималигини билмай келаётган "Сўғдиёна" билан баҳслашади. "Сўғдиёна" шу пайтгача сафарда етти бор майдонга тушган бўлса, бирор марта ғалабага эришмаган: икки дуранг, беш мағлубият. Тўплар нисбати 6-17.

Айтганча, жиззахликлар сафарда гол ўтказиш бўйича биринчи ўринда боришмоқда. Агар жамоа бугун зафар қучса, бу Даврон Файзиев шогирдларининг сафардаги илк ғалабаси бўлади. "Қўқон-1912" эса ўз майдонидаги ўйинларнинг тўрттасида зафар қучган. Икки бор дуранг қайд этган бўлса, бир марта ютқазиб қўйган. Тўплар нисбати 11-6. "Қўқон-1912" уйдаги ягона мағлубиятини "Насаф"дан қабул қилиб олган.

Биласизми, "Сўғдиёна" Жиззахдаги охирги учта учрашувни ғалаба билан якунлади, лекин жамоа кетма-кет икки бор сафардан ютқазиб қайтди. "Қўқон-1912" эса дастлаб икки бор ўз майдонида дуранг ўйнади ва охирги уй ўйинида ғалаба қозонди.