Британия газетаси Вларнинг пенальтисини гол деб ҳисоблади ВИДЕО

Бу ҳақда Британиянинг The Guardian нашри хабар берди.

Аргентина пенальтилар сериясида 4:2 ҳисобида зафар қучди. Вларнинг зарбасини Серхио Ромеро қайтарди. Аммо трансляция жараёнида тўпнинг кейинги ҳаракати кўринмади. Тўп кутилмаган траектория ҳосил қилиб дарвоза томон борди. Ромеро бу вақтга келиб дарвозани тарк этиб бўлганди. Шундан сўнг Влар бош ҳакам Жюнейт Чақирга мурожаат қилган, аммо ҳакам голни ҳисобга олмаган.



Бироқ видеоларда ҳам тўп ҳимоячига қайта текканми ёки тўп дарвоза ичига тўлиқ кирганми кўриб бўлмайди. Британ матбуоти иккита видео топишди, аммо уларда ҳам жавоб тўлиқ эмас.

Бу вазиятга ФИФА ҳаками Станислав Сухина ўз муносабатини билдирди. «Умуман олганда бу гол. Агар Влар иккинчи бор тўпга тегмаган бўлса голни инобатга олиш керак эди. Бундай вазият футболда олдин ҳам содир бўлган», — дейди Сухина «Р-Спорт» нашрига.

Қоидага кўра тўпнинг тўлиқ тўхташини кутиш керак. Бу вазиятни ФИФА кўриб чиқадими ёки йўқми, номаълум.