Беҳруз Асқаров: "Пахтакор" ёшаргани билан барибир "Пахтакор" бўлиб қолаверади"
10 мар 2024 11:45
Янгиликлар

Беҳруз Асқаров: "Пахтакор" ёшаргани билан барибир "Пахтакор" бўлиб қолаверади"

Бу йил айрим етакчиларидан воз кечган ва ўз тарбияланувчиларига эътибор қаратган "Пахтакор" чемпионат стартини яхши бошлади.

Илк турда "шерлар" "Сурхон" устидан йирик ҳисобда ғалаба қозонган бўлса, кейинги ўйинда "Насаф" билан кутилганидан яхши ўйин кўрсатди. Жамоанинг ярим ҳимоячиси Беҳур Асқаров "Насаф"га қарши учрашувдан сўнг фикрлари билан ўртоқлашди.

"Умуман олганда ҳар бир ўйинга жиддий тайёргарлик кўрамиз. Рақибни ўрганамиз. "Насаф"нинг ўйин услубини кўриб чиқдик. Кўрдингиз ғалабага яқин келдик. Мураббийларнинг кўрсатмаларини бажаришга ҳаракат қилмоқдамиз. Қолаверса, "Насаф" ҳам яхши ўйнади. Энди 2-тур ўтди. Ҳали мавсум олдинда. Бўшашмаслигимиз керак. "Пахтакор" ёшаргани билан барибир "Пахтакор" бўлиб қолаверади.

Қўлимдан келганча жамоага ёрдам беришга интилмоқдаман. Алижонов, Черан, Собирхўжаев, Ҳамдамов каби етакчилар ёнида тўп тепиш анча осон. Улардан ўрганадиган нарсаларим кўп. Бу мен учун яхшигина тажриба бўляпти",- дейди Беҳруз Асқаров.

Ҳавола :

Манба : championat.asia

Янгиликларни Телеграмда ўқинг!

Рейтинг: +8