Бахтиёр Ашурматов: "Тан оламан бугун "Пахтакор" ғалабага ҳақли эди"

"Жуда оғир ўйин ўтказдик. Тан олиш керак "Пахтакор" кўп жабҳада биздан устун бўлди. Афсуски бизнинг жамоа ташаббусга эга бўла олмади, майдонда оғир ҳаракат қилдик. Айниқса иккинчи таймда тўп назоратини бутунлай "Пахтакор"га бериб қўйдик. Шу боис ўйинни ўзгартириш учун Сидиқовни ўрнига иккинчи ҳужумчини тушириб, тактикани ўзгартиришга қарор қилдик. Афсуски биз билан ўйингача майдонга тушмаган Черан тузалиб бугун захирадан ўйинга қўшилиб гол урди. Черан ўзининг маҳоратли футболчи эканини яна бир бор кўрсатди. Тан олиш керак "Пахтакор" бугун ғалабага ҳақлироқ эди. Лекин биз охиригача курашганимиз учун тақдирландик. Учрашув охирида гол урганимизни инобатга оладиган бўлсак, дуранг бизни қониқтирди, лекин "Пахтакор" ғалабага ҳақлироқ эди. Буни мураббий сифатида тан олишим керак", - деди Бахтиёр Ашурматов.

- Қувондиқ Рўзиев ва Жавоҳир Сидиқовнинг алмаштирилишига сабаб нима?
- Рўзиев ёмон ўйнагани учун алмаштрилмади. Шунчаки майдон марказини мустаҳкамлаш мақсадида Раҳматуллаевни туширдик. Сидиқовни ўзгартирилишига сабаб эса, у жароҳат билан ўйнаяпти. Бундан ташқари ўйинни ўз дарвозамиздан узоқлаштириш учун иккинчи ҳужумчини туширдик. Бугун Мурод Холмуҳаммедов ҳам соғлигини таваккал қилиб ўйнаганини ҳам қўшимча қиламан.

- Ислом Абдуллаевнинг ҳолати қандай?
- Умид қиламанки кейинги ўйингача тайёр бўлади. Худодан тезроқ тузалишини сўраймиз. Аммо биздан бошқа дарвозабонлар ҳам бор. Музаффар Абдуллаев ҳам, Нодир Ашурматов ҳам тайёр.

Мўмин Мелиевнинг ўйини бугун унча яхши чиқмагандир. Лекин бугун пенальти ишлади, ҳимоячиларга босим уюштирди, ҳаводаги курашларни ютди. Аммо уч ярим ҳимоячимиз ҳам ҳимояга яқин ўйнагани учун Мўмин ютиб берган тўплар рақибларга тушди ва унинг ўйини кўрмагандир.