"Бавария" Ибрагимович билан шартнома имзолади

Германиялик ярим ҳимоячи Арийон Ибрагимович "Бавария" билан илк профессионал шартномасини имзолади. Бу ҳақда "Bild" хабар бермоқда.

Келишув 2024 йилнинг 30 июнига қадар амал қилади.

Таъкидланишича, 17 ёшли Ибрагимович бундан буён "Бавария" биринчи жамоаси аъзоси бўлади ва асосий жамоа билан бирга машғулот ўтказади.

Ибрагимович жорий мавсум "Бавария" U-19 сафида барча мусобақаларда 16 та ўйинда майдонга тушиб, 13 та гол урди ва 6 та голга пас узатди.