“Барселона“ ҳимоячиси жамоани тарк этиш ниятида эмаслигини маълум қилди

Бу ҳақда Sport.es хабар бермоқда.

Манбага кўра, футболчи жамоадаги ўрнидан мамнун ва бошқа жамоага ўтиш вариантини кўриб чиқмаяпти. «Барселона» даниялик футболчига 2026 йилнинг ёзида тугайдиган шартномасини узайтиришни таклиф қилмаганига қарамай, Кристенсен кейинги мавсумда ҳам клубда қолмоқчи.

Қайд этилишича, “Ал Насср“ аллақачон футболчига фойдали таклиф билан чиққан, бироқ футболчи рози бўлишни режалаштирмаяпти. Унга Испанияда яшаш ёқади, шунингдек, у каталонияликлар сафида жой учун курашиш ниятида.

Кристенсен жароҳат туфайли ўтган мавсумнинг кўп қисмини ўтказиб юборди. У барча турнирларда олтита учрашувда иштирок этган. Трансфермаркт порталида келтирилган маълумотларга кўра, футболчининг бозор қиймати 15 миллион еврони ташкил қилади.