Асрор Раҳмонов: "Нурафшон" билан қизиқарли ўйин бўлади"
15 май 2016 12:05
Янгиликлар

Асрор Раҳмонов: "Нурафшон" билан қизиқарли ўйин бўлади"

Ўзбекистон биринчилиги 9-туридан ўрин олган “УзДонгЖу”-“Нурафшон” баҳси олдидан “УзДонгЖу” жамоасининг вице-сардори Асрор Раҳмонов фикрлари билан қизиқдик:

"Бу ўйинга ҳар доимгидан ҳам яхши тайёргарлик кўрдик. Сабаби ўтган турда сафарда ютишимиз керак бўлган баҳсда ўзимизнинг хатоларимиз эвазига мағлубиятга учрадик. Энди бундай хато қилишга ҳаққимиз йўқ. Шунинг учун мухлисларимизга ёқадиган ўйин кўрсатиб ғалаба қозонамиз деган умиддаман.

Биз ўз олдимизга олий лигага чиқиш мақсадини қўйганмиз. Бу вазифани бажариб раҳбарият олдида юзимиз ёруғ бўлиб ишончини оқламоқчимиз.

Рақибимиз ҳам яхши шакилланган. "Нурафшон" дебютант бўлишига қарамай мақсади олий лигага чиқиш. Шунинг учун бизни муросасиз, шиддатли, қизиқарли баҳс кутиб турибди. Рақиб жамоага ҳам омад тилайман, лекин биз бугун фақат ғалаба учун майдонга тушамиз - деб сўзини якунлади Раҳмонов.

"УзДонгЖу" матбуот хизмати