Squawka маълумотига кўра, "канонирлар" ўз тарихида биринчи марта Чемпионлар Лигасида кетма-кет етти ўйинда ғалаба қозонишди. Бу ўйинлардаги умумий гол фарқи — 20:2.
Эслатиб ўтамиз, "Интер" билан учрашувдан олдин "Арсенал" Чемпионлар Лигасида "Атлетик" (2:0), "Олимпиакос" (2:0), "Атлетико" (4:0), Чехиянинг "Славия"си (3:0), "Бавария" (3:1) ва "Брюгге" (3:0) жамоаларини мағлуб этганди. "Арсенал" 21 очко билан Чемпионлар Лигаси жадвалида етакчилик қилмоқда. Ушбу ўйиндан сўнг "Интер" 12 очко билан тўққизинчи ўринни эгаллади.
