Аргентина терма жамоаси собиқ аъзоси Демичелис "Ривер Плейт"ни бошқаради
15 ноя 2022 12:30
Янгиликлар

Аргентина терма жамоаси собиқ аъзоси Демичелис "Ривер Плейт"ни бошқаради

Аргентиналик собиқ ҳимоячи Мартин Демичелис "Ривер Плейт" бош мураббийи лавозимини эгаллайди, деб хабар берди "Бавария" матбуот хизмати.

"Мен Европага "Ривер Плейт"дан келганман, энди эса мураббий сифатида бошқа мақомда кетяпман. Бу ақл бовар қилмайдиган воқелик эди ва мен икки марта "Бавария" оиласида бўлганимдан фахрланаман. Мен билан бирга бўлган барчага миннатдорчилик билдираман", – деди мураббий.

41 ёшли Демичелис 2017 йилда футболчилик фаолиятини якунлаган. У Испаниянинг "Малага” ва “Бавария” клублари тизимида ишлаган. 2021 йилда Мюнхен клуби ўринбосарлар таркибида фаолият юритган.

Демичелис футболчи сифатида "Ривер Плейт"да ўйнаган. Кейин Европага жўнаб кетган. Бундан ташқари, Германия, Испания ва Англия чемпионатларида тўп тепган. Аргентина терма жамоасида 50 дан ортиқ ўйин ўтказган.

Ҳавола :

Манба : fcbayern.com

Янгиликларни Телеграмда ўқинг!

Рейтинг: +3