АПЛ паузаси чўзилади

"BBC Sport" хабарига кўра, бугун АПЛнинг 20 клуби вакиллари иштирокида видео-конференция бўлиб ўтади. Қайд этилишича, унда пауза муддатини чўзиш масаласи кўрилади. Олдинроқ томонлар биргаликда келишган ҳолда, турнирни 1 майга қадар тўхтатишганди. Аммо ушбу санадан кейин ҳам турнирни қайта давом эттириш ишонарсиз фараз бўлиб турибди.

Катта эҳтимол билан турнир май ойининг якуни ёки ундан-да кечроқ муддатга сурилади. Шунингдек, турнирни номаълум муддатга қолдириш варианти ҳам бор. Ҳозирда Испания ва Францияда миллий чемпионат ўйинлари номаълум муддатга қолдирилган.