"Монако" футболчиси 1/16 финалда Босния ва Герцеговинага қарши баҳсда (2:0) VAR кўриб чиқувидан сўнг Тарик Муҳаремовичнинг тўпиғига хавфли тарзда тепгани учун қизил карточка олган эди.
"The Athletic" хабарига кўра, ФИФА интизом қўмитаси Балогуннинг дисквалификациясини вақтинча тўхтатишга қарор қилди. Шу боис ҳужумчи 7 июль куни бўлиб ўтадиган Бельгияга қарши 1/8 финал учрашувида иштирок этиши мумкин.
Бу қарор ФИФА Интизом кодексининг 27-моддаси асосида қабул қилинган. Унга кўра, интизом органи жазонинг тўлиқ ёки қисман ижросини маълум муддатга тўхтатиб туриш ҳуқуқига эга. Агар футболчи синов муддати давомида яна қоидабузарлик қилса, мазкур жазо қайта кучга киради.
Журналист Бен Жейкобс маълумотига кўра, Балогун учун белгиланган синов муддати бир йилни ташкил этади.
Қизиғи шундаки, бунга ўхшаш ҳолат аввал ҳам кузатилган. Криштиану Роналду ҳам Жаҳон чемпионати олдидан шундай вазиятга тушган ва эҳтимолий уч ўйинлик дисквалификация ўрнига фақат битта учрашувни ўтказиб юборган эди.
