Андижонда Ўзбекистон - Вьетнам учрашуви катта экранда намойиш этилади, вилоят ҳокими ҳам келади
26 янв 2018 20:02
Янгиликлар

Андижонда Ўзбекистон - Вьетнам учрашуви катта экранда намойиш этилади, вилоят ҳокими ҳам келади

Маълумки, 27 январь, шанба куни Хитой давлатида кечаётган ёшлар ўртасида Осиё чемпионатининг финал учрашуви бўлиб ўтади.

Унда U-23 ёшлар терма жамоамиз Вьетнамга қарши баҳс олиб боради.

Мазкур финал учрашувини юртдошларимиз интизорлик билан кутаётгани, шу билан бирга ғалаба қозониб, халқимизга янада хурсандчилик улашишини истаётгани ҳеч кимга сир эмас. Осиё чемпионлигига яқин турган Ўзбекистон ёшлар терма жамоамизнинг ўйинини андижонлик футбол ишқибозлари учун катта экран орқали БЕПУЛ намойиш этилади. Андижон олимпия захиралари коллежининг ёпиқ манежида катта экран орқали намойиш этиладиган финал ўйинини, мухлислар билан бирга Андижон вилояти ҳокими, Андижон вилоят Футбол Ассоциацияси президенти, «Андижон» футбол клуби президенти Абдураҳмонов Шуҳратбек Қўшақбоевичнинг шахсан ўзи бевосита кузатиб боришни режалаштирган.

Вакилларимизнинг ҳал қилувчи финал баҳсида қўллаб-қувватлаш ва ўйинни катта экран орқали кузатиб боришни хоҳловчи мухлисларни, эртага соат 12:00га қадар Андижон олимпия захиралари коллежининг ёпиқ манежига келишлари сўралади. Ўйин олдидан халқимиз суйган санаткорлар ўз чиқишлари билан мухлисларга хуш кайфият улашади.