Александр Хомяков: "Баҳорда комбинацион ўйин кутманг"

"Албатта мавсумни сафардаги ғалаба билан бошлаш ёқимли. Бугун очилиш ўйини бўлгани учун стадионга кўплаб мухлислар келишини билардик. Шундай оғир ўйини бўлишини кутгандик. Қарши ҳужумга асосланган тактикада ўйнадик. Шогирдларимга раҳмат айтаман. Баҳорги футбол шундай, комбинацион ўйин кутиш қийин. Узун паслар орқали фақат бўш зоналардан унумли фойдаландик", - дейди Хомяков.

- Ҳимоячининг хатоси ҳақида нима дейсиз?
- Ҳужумчиларимизнинг босими натижасида рақиб ҳимоячилари хато қилишди.

- Бунинг ниманинг эвазига ғолиб бўлдингиз?
- Айтиб ўтдимку, комбинацион ўйин бўлмади. Фақат курашларга асосланган ўйин бўлди. Шу ҳам катта ёрдам берди.

- Рақибни ўргандингизми?
- Албатта, буни яширмайман. Жамоа тахминан қандай ўйнашини билардик.

- Жамоа бу йил қайси ўринлар учун курашади?
- Келинг яна бир неча тур ўтсин, раҳбарият олдимизга ўтган йилдагидан кўра яхшироқ натижани вазифа қилиб қўйди. Бунга ҳаракат қиламиз.

- Янги футболчилар ҳақида нима дея оласиз?
- Таркибда бир қатор легионерлар ўйнашди. Букаткин, Иванов... Владислав гол урди, унинг дебюти омадли чиқди. Аммо ҳозирча биз 70 фоизга тайёрмиз.

- "Навбаҳор" ҳақида нима дея оласиз?
- Жамоа ўз уйида ўйнади, мухлисларнинг босими ҳам сезилди. Иккинчи бўлимда улар ҳам узун паслар билан ўйнашга ўтишди. Бунда ўйинларда омад ҳам катта роль ўйнайди.


Шерзод Ҳамдамов ёзиб олди