Акмал Раҳимов Испанияда

Гап шундаки, Барселонада бўлиб ўтадиган турнирга ташкилотчилар томонидан Акмал Раҳимовга шу йилнинг январь ойида чақирув қоғози келган. Сўнгра Ўзбекистон футбол Федерациясига бу борада испанияликлар мурожаат қилган. Ҳакамлар департаменти бўлимининг бошлиғи Ноил Лутфуллин бу борада Раҳимовни хабардор қилган ва хориж мусобақасига тайёргарлик кўришини билдирган.  Барселона шаҳрида ўтаётган ёшлар турнирида Америка, Голландия, Бразилия, Аргентина, Ирландия, Испания, Англия ҳамда Украина давлатларидан ҳам жамоалар иштирок этаётганини айтиш жоиздир.  

Мазкур мусобақадаги ўйинларни ҳамюртимиз Акмал Раҳимов ҳам бошқариб борадиган бўлди. Турнир 30 апрель куни старт олган. Андижонлик ҳакам Испанияда ўн бир кун бўлади.