Агуэро ЖЧ-2018дан сўнг илк маротаба Аргентина терма жамоасига чақирилади
15 май 2019 10:46
Янгиликлар

Агуэро ЖЧ-2018дан сўнг илк маротаба Аргентина терма жамоасига чақирилади

"Манчестер Сити" ҳужумчиси Серхио Агуэро Аргентина терма жамоасининг Америка Кубоги-2019 учун кенгайтирилган таркибидан жой олади.

Форвард Россиядаги ЖЧ-2018дан сўнг миллий жамоага чақирилмаган эди. Аргентина терма жамоаси мундиалнинг 1/8 финал босқичида Францияга 3:4 ҳисобида мағлуб бўлиб, турнирни тарк этганди. Футболчининг жорий мавсумдаги маҳсулдорлиги (46та ўйинда 32та гол) мураббийлар қарорига таъсир кўрсатган.

Бугун, 15 май куни Аргентина футбол ассоциацияси 40 кишилик таркибни эълон қилади. Икки ҳафтадан сўнг якуний таркиб тақдим этилади. Рўйхатда Лионель Месси ва Анхель ди Мария ҳам бўлиши кутилмоқда.

Эслатиб ўтамиз, Америка Кубоги 14 июндан 7 июлгача Бразилия майдонларида бўлиб ўтади. Аргентина терма жамоаси гуруҳ босқичида Колумбия, Парагвай ва Қатар билан ўйнайди.

Ҳавола :

Манба : Reuters

Янгиликларни Телеграмда ўқинг!

Рейтинг: +8