UZ

Сўнгги янгиликлар

21:03Торрейра Аргентина чемпионатига ўтишни хоҳлайди  0 21:01Coca Cola Суперлигаси. "Насаф" - "Металлург" 0:0. МАТНЛИ ТРАНСЛЯЦИЯ  44 21:00Coca Cola Суперлигаси. "Қизилқум" - "Андижон" 0:0   7 21:00U-21 Биринчилиги. 8-турнинг барча натижалари   2 20:51Coca Cola Суперлигаси. "Локомотив" кетма-кет иккинчи ғалабасига эришди  18 20:44Аллегри қайтишга тайёр, у ўзига клуб излаяпти  4 20:23Симеоне "Реал" нега кўп пенальти тепаётганини айтди  24 20:10Француз клуби футболчисида коронавирус аниқланди  1 20:05Александр Лобанов 200-учрашувда майдонга тушди  3 19:55"Ливерпуль" АПЛ рекордчиси билан шартнома имзолади  1 19:33МЮ испаниялик ҳужумчи билан шартнома имзоламоқчи  5 19:17Пиоли: "Тео дунёнинг энг яхши ҳимоячиси бўлиши мумкин"  4 18:50“Бухоро” футбол клуби директор тайинлаш масаласини тартибга солди  1 18:46А Серия. 30-тур рамзий жамоаси  4 18:23МЮ ван де Бекни нишонга олди  4

Абрамов кетиб Тошев келадими? Янгиликлар

Абрамов кетиб Тошев келадими?

Кеча тунда чиққан хабар ҳамманинг эътиборини ўзига тортди.

Блогер Шаҳбоз Беғамов ўз телеграм каналида Ўзбекистон миллий терма жамоасида бош мураббий ўзгариши мумкинлиги - Вадим Абрамов ўрнига Усмон Тошев келиши мумкинлиги ҳақида пост қолдирди. 

Кейинчалик бу хабар сайтда ҳам эълон қилинди. Шундан сўнг сайт ўқувчилари бу борада турли изоҳларни қолдиришди ва изоҳ ёзиш ҳамон давом этмоқда. Бу хабар қанчалик тўғри ё нотўғри, билмаймиз, фақат Шаҳбоз Беғамовнинг айтишича, янгилик ишончли манбадан олинган. 

Бугун ЎФА матбуот котиби Даврон Файзиев ҳам ўзининг телеграм каналида ушбу хабарга раддия ёзди. Ўзи умуман инсайдернинг маълумот топиб сайтга бериши ва кейинчалик ташкилот ходими томонидан рад қилиниши футболда янгилик эмас. Бундай ҳолат кўп марта учраб туради. 

Лекин бизни бошқа савол қизиқтиряпти? Абрамовни терма жамоадан кетишига асос борми? Жаҳон чемпионати саралаш ўйинларидан келиб чиқиб айтганда терма жамоамиз 5та ўйиндан сўнг 9 очко билан биринчи ўринда боряпти. Ва қолган учта ўйинни ютсак, биринчи ўрин билан кейинги босқичга чиқамиз.

Футболчиларимиз бунгача бешта учрашувдан тўрттасини Вадим Абрамов қўл остида ўтказишди. Бу ўйинлар Яман (5:0), Сингапур (3:1), Саудия Арабистони (2:3) ва Фаластин (2:0) терма жамоаларига қарши кечиб, шундан учтасида ғалаба қозондик. Фақат ўз майдонимизда Саудия Арабистонига ютқазиб қўйганимиз алам қилди.

Мазкур баҳсда мураббийнинг хатоси туфайли ютқазганимиз кўп бора айтилди. Лекин охиригача имкон бериладиган бўлса, Абрамовда Саудияни ютиб келиш учун вақт бўлади. Гуруҳ баҳслари якунига қадар бизда учта ўйин қолган, асосий рақибимиз Саудия Арабистонида эса тўртта.

Кузда бўлиб ўтиши кутилаётган беллашувларда биз дастлаб Яманга борамиз, ўз майдонимизда Сингапурни қабул қилиб, охирги турда Саудия Арабистонига сафар қиламиз. Ва катта эҳтимол билан айнан охирги тур гуруҳда биринчи ўрин масаласини ҳал қилади.

Саудия Арабистони қолган 4та учрашувдан учтасини ўз майдонида ўтказади. Улар сафарда Сингапур билан куч синашиб, уйда Яман, Фаластин ва Ўзбекистонни қабул қилишади. Кўриб турганингиздек, имконият уларда яхшироқ, лекин Абрамов бир йили сафарда Японияни ютиб келганди, агар Саудия Арабистонини ҳам мағлуб эта олса яна қойил қоламиз.

Энди яна Тошев масаласига қайтадиган бўлсак, биринчидан Усмон Тошевнинг иши бор. У киши ҳозирда Тожикистон терма жамоасини бошқаряпти ва ён қўшниларимиз ҳам биз каби жаҳон чемпионатига чиқишга ҳаракат қилмоқда. 

Тошев қўл остидаги жамоа шу пайтгача ЖЧ-2022 саралаш босқичида ўзида Қирғизистонни ютиб, сафарда дуранг ўйнади. Шунингдек сафарда Мўғулистонни ютиб, ўзидан кучсиз ҳисобланган Мьянмага ютқазиб қўйди. Ва ўз майдонида Японияга 0:3 ҳисобида мағлуб бўлди.

Тожикистон гуруҳда 5та ўйиндан сўнг 7 очко билан учинчи ўринда боряпти. Қирғизистонда ҳам 7 очко, фақат уларда тўплар нисбати яхши бўлгани учун иккинчи ўринда. Япония эса 12 очко тўплаган ҳолда пешқадамлик қиляпти.

Фикримча, ҳозирги вазиятда энг тўғри йўл Абрамовга охиригача имкон бериш керак. Биз Саудия Арабистонида бўладиган ўйинни шу мураббий қўл остида ўтказишимиз шарт. Чунки Абрамов Тошкентдаги хатосини у ёқда тўғрилашга ҳаракат қилади.

Агар Абрамов гуруҳдан олиб чиқса яна ишлаш давом этади, лекин бу ўринда унинг ҳам клубда, ҳам терма жамоада ишлашини кўриб чиқишга тўғри келади. Чунки кейинги босқич ҳал қилувчи аҳамиятга эга бўлади. Мободо гуруҳдан чиқа олмасак, унда кейинги бош мураббий ким бўлишининг қизиғи қолмайди.

Х.Холиқов.

Муаллиф : Xayrulla Xoliqov
Рейтинг: +31   

Фикрлар

+13   
05 июн 15:54:06
Марфуша ғам-ғуссага не ҳожат!
Тизимисиз футболга Гвардиолани олиб келсангиз ҳам натижа қилолмайди. Жаноб Тошевни қайси қирралари эвазига бу лавозимга муносиб кўрилиши асосий фактор эмас, масалани моҳияти нима учун Абрамовга имконият охиригача берилмаётганлигидир! Агар сўнгги йиллардаги ўзбек футболига эътибор берадиган бўлсак, ЎФА тепасига келаётган раҳбарлар ўзи билан янги термага бош мураббий олиб келмоқда. Натижа эса ўша-ўша қониқарсиз! Қачон натижа бўлади? Қачонки ТИЗИМ БЎЛГАНИДА. Тизим йўқми, демак натижа ҳам - ноль бўлади. Мураббийларни ҳадеб алиштиравергунча, керакли ва натижа берадиган тизим яратиб олайлик ўртоқлар!!!
+11   
05 июн 17:19:35
Faz Kom
Энди канакадир тожик етмай турувди! Тегмаларинг Абрамовга! Вадим ака обчикади ЖЧга насиб!!!
+10   
05 июн 15:51:44
bbb
Узи бизани футболга натижа курсатадиган мураббийлар керак эмас. Бабаян, Тошкевга ухшаган луттивозлар керакка ухшайди. Б усмо Тошев бир вактлар насафни суний банкрот килиб кочган эди. Навбат Миллий термагами дейман.
+10   
05 июн 15:45:32
Uzbek_86
Бегамовни хонасида кондиционер бузилиб кобти, ушанчун сал иссик уриб куйибти шекилли. Худохохласа бегамов хам яхши булиб кетади!!!
+9   
05 июн 17:14:13
bek
Энди, Абрамовга охиригача имкон берингларда, шунча асаббузарлик килган мураббийларга имкон бериб, Абрамовга келганда яна шу ишми?
+9   
05 июн 16:35:43
Mr_Rich
Mening fikrimcha Abramov oxirigacha qolishi kerak termada. Abramov boshchiligidagi oyinlari kopchilik eslashadi albatta yaxwi taassurotlar bilan hattoki avstraliyaga 6 -0 ga yutkazgan bolsa ham osha davrdagi MTJ dan gigant termalar ham qorqardi. Oyinimiz kuchli edi. Yaponiyani ham oz uyida maglub etishgan osha paytlar. Men osha oyinlar tarafdoriman. Oyin chiroyli tartibli bolsagina keyin asta sekin natijalar yaxwilanadi. Imkoniyatlar kop bolsa natijaga eriwiwga hulosalar qiladi futbolchilar. OLGA ABRAMOV BIZ SENGA ISHONAMIZ
+9   
05 июн 16:12:27
Хамза88
Энг энг энг зур вариант Абрамов хозир Тамом вассалом!!!!!
+8   
05 июн 16:38:19
Zohid
Agar shu ish amalga oshsa bir umur MTJ dan voz kechaman chin so'zim
+7   
05 июн 16:25:46
fc Surxon
Vadim abramov yaxshi trener futbolchilar uni falsafasini yaxshi bilishadi uni termagga trener bolganiga hech qancha vaqt bolmadi lekin termani oyini tezlashdi
+7   
05 июн 16:20:59
Husniddin Shoniyozov Azizovich
Usmon Toshev qanday murabbiy ekanligini Nasaf muxlislari juda yaxshi biladi. O'shanda Nasafni qanday ahvolga solgani 18 ming muxlis stadiondan yurib uyin tugagandan keyin (Paxtakor bilan) bir ovozda jo'r bo'lib Usmon *** deb baqirishgani hali ham kechagidek ko'z oldimda. Agar Usmon Toshev MTJ ga keladigan bolsa bu katta xato boladi.
+7   
05 июн 16:18:21
SERZOD
Агар шу хабар тугри булса федерациядагиларни томи кетибди!!!!
+6   
05 июн 16:26:14
Aziz Aziz
Тогриси брон бир сабабини курмаяман?Абрамов кетишига
+6   
05 июн 16:04:04
Aspire
Nega Babayanga imkoniyat berildi oxrgachey Abramovga yana bermaslik kere... Yurgen Clobi opkesayam xudo korsatmasn yomonroq natija job qosa etandi ozi gruppa kiradigan joyiga kirib kalandar tugavitkanda keldm yaxshi iwlomadm voxt bomadi didi 1000%... raz boshida Abramovi talladikmi ohrgachey imkoniyat berilik... Taģin xalqda bir maqol bor òynashga ishonb ersiz qoldi dgan... bizeyam hali unga hali bunga ishonmasdan bitta yakdil yolda ketilik...
+5   
05 июн 17:36:12
Узбекман
Абрамов билан УФА уртасида қанақадур келишмовчилик булса керак. Нималар булябди-я, УФАга янги рахбарлар сайланиши билан алғов-далғовлар куп булябди-я. Иш қилиб охири яхшиликка булсинда.
+4   
05 июн 16:26:51
Davronbek Beshariq
АБРАМОВ киму Тошев ким... Шахбоз Бегамов деган журналист узбек футболида совук хабарларни ёритувчи журналист. ... качон шу болани ёзган маколасини укисам,асаблар бузилади. Ххудди узбек футболига фойда бераётгандек унинг ёзган маколаси...Шугакаям. турки совук бола буладими...
championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг