"Пахтакор" Ўзбекистон термаси ва "Насаф" аъзоси билан оғзаки келишувга эришди
13 янв 2019 03:22
Янгиликлар

"Пахтакор" Ўзбекистон термаси ва "Насаф" аъзоси билан оғзаки келишувга эришди

Теглар : Насаф "Пахтакор"Трансфер Санжар Қувватов

Тошкентнинг "Пахтакор" жамоаси Ўзбекистон термаси ва "Насаф" дарвозабони Санжар Қувватовнинг хизматларига қизиқиш билдирмоқда.

Маълум бўлишича, томонлар ўзаро оғзаки келишувга эришишган. Бу маълумотни "Насаф" кипери, айни пайтда БААда ўтаётган Осиё Кубогида Ўзбекистон терма жамоаси шарафини ҳимоя қилаётган Санжар Қувватов сайтимиз ходими Шаҳбоз Беғамовга тасдиқлади. Ҳозирча ҳеч қандай расмий шартнома имзоланмаган. Катта эҳтимол билан Осиё Кубогидан сўнг Қувватов расман "Пахтакор" аъзосига айланиши кутилмоқда.

Эслатиб ўтамиз, Санжар Қувватов "Машъал" академияси тарбияланувчиси ҳисобланади. Қувватов "Насаф"га 2016 йили "Машъал"дан ўтган ва қаршиликлар билан 3 мавсумда Ўзбекистон суперкубоги, бронза ва кумуш медалларига эга чиққан.

Қайд этиш керакки, Санжар Қувватовнинг "Насаф" билан амалдаги шартномаси 2018 йил якунига қадар мўлжалланганди.

Ҳавола :

Манба : championat.asia

Янгиликларни Телеграмда ўқинг!

Рейтинг: -45