Ўзбекистон - Уммон учрашуви олдидан қизиқарли фактлар

Мазкур баҳс олдидан кеча бўлиб ўтган расмий тадбирлар ҳамда учрашув атрофидаги воқеа ва тафсилотларни тақдим этдик. қуйида яна бир бор мазкур рўйхатни эътиборингизга ҳавола этамиз:

Осиё Кубоги-2019. Уммонлик журналист: "Менимча, эртага дуранг бўлади"

Осиё Кубоги-2019: Гранд жамоалар нега хотиржам?

Ўзбекистон аввалги Осиё Кубокларини қандай бошлаган?

Ўзбекистон - Уммон. Учрашув ҳаками маълум

ОК-2019. Уммон ФФ президенти футболчиларга Ўзбекистон билан ўйин учун мукофот ваъда қилди

Ўзбекистон - Уммон. Ким Донг Жин жамоаларимиз учун қанчалик омадли?

Эктор Купер: "Эртага мухлисларга ёқадиган ўйин кўрсатамиз"

Одил Аҳмедов: "Эртага ғалаба қозониш учун бор кучимизни ишга соламиз"

Жиддий нигоҳли Купер ва хотиржам Аҳмедов 

Пим Вербек: "Осиё Кубоги фақат Ўзбекистон билан ўйиндан иборат эмас, шуни ёддан чиқарманг"

Ўзбекистон - Уммон. Пим Вербек иштирокидаги матбуот анжуманидан ФОТОГАЛЕРЕЯ

Ўзбекистон - Уммон. Термалар қайси либосларида ўйнашади? ФОТО

Умид Аҳмаджонов Ўзбекистон МТЖ аъзолари билан учрашди

Пим Вербекдан Шаҳбоз Беғамовга тезкор жавоб

Бургут нигоҳ Сардор ва "Фантастик тўртлик". ФОТОМАҚОЛА

ОК-2019. Уммон терма жамоасининг Ўзбекистонга қарши ўйиндан олдинги расмий машғулотидан ФОТОГАЛЕРЕЯ

Осиё Кубоги-2019. Уммонга қарши ўйин олдидан нималарни билишимиз керак? (ВИДЕО)

Қарши ҳужумдан воз кечмайдиган Уммон

Ҳозир эса Ўзбекистон - Уммон учрашуви олдидан мазкур жамоаларга тегишлии қизиқарли фактларни тақдим этамиз.

* Ўзбекистон терма жамоаси учун Осиё Кубоги-2019 еттинчи қитъа чемпионати бўлади.

* Терма жамоамиз қитъа чемпионатидаги дастлабки ўйинларни одатда муваффақиятли бошлаган - 6 ўйин, 4 ғалаба, 1 дуранг ва 1 мағлубият

* Ўзбекистон терма жамоасининг Осиё Кубогидаги дастлабки гол муаллифларига айланган футболчилар: (1996-Игорь Шквирин, 2000-Миржалол Қосимов, 2004-Миржалол Қосимов, 2007-автогол, 2011-Одил Аҳмедов, 2015-Игорь Сергеев)

* Уммон терма жамоаси қитъа чемпионатидаги илк ўйинларда ҳали ғалаба таъмини билмайдиган терма жамоа - 1 дуранг ва 2 мағлубия

* Уммон терма жамоаси ҳозиргача учта қитъа чемпионатида иштирок этган ва БААдаги мусобақа улар учун тўртинчиси ҳисобланади.

* Уммон терма жамоаси Осиё Кубогида ҳали ҳеч қачон гуруҳ босқичидан нарига ўтолмаган.

* Уммон Осиё Кубоклари тарихида ўтказган 9 учрашувда атиги 2 маротаба (Таиланд, Кувайт) ғалаба қозонган - 3 дуранг ва 4 мағлубият

* Ўзбекистон терма жамоасининг Осиё кубоклари тарихидаги энг яхши натижаси - ярим финал (Қатар-2011)

* Ўзбекистон терма жамоаси Осиё Кубогидаги юришини икки маротаба гуруҳ босқичида тўхтатган - Осиё Кубоги-1996 ва Осиё Кубоги-2000

* Ўзбекистон терма жамоаси ҳозиргача мусобақа тарихида жами 24 учрашувда майдонга тушган - 11 ғалаба, 3 дуранг ва 10 мағлубият

* Ўзбекистон терма жамоасининг Осиё Кубокларида ўтказиб юборган тўплари урган голларидан кўп - 35-44

* Ўзбекистон ва Уммон терма жамоаларининг ўзаро ўйинларидаги устунлик Уммон тарафида - 1 ғалаба, 4 мағлубият.

* Қайд этиш керакки, расмий ўйинларда жамоалар 1тадан ғалабага эришишган. Ўртоқлик мақомидаги баҳсларда Уммон ўтказилган учала беллашувда ҳам ғалаба қозонган.

* Қизиғи, мазкур жамоалар ўртасидаги бирорта ўйинда дуранг қайд этилмаган.

* Эктор Купер Ўзбекистон бош мураббийи сифатида илк расмий ўйинини айнан Уммонга қарши баҳс орқали бошлади.

Мазкур ўйин атрофидаги ва учрашувдан кейинги барча тафсилотлар ва қайноқ хабарларн сайтимиз орқали кузатишда давом этинг. Ўйиндан кейинги мақола ва дастурларимизда Ўзбекистон - Уммон учрашувига бағишланган таҳлил ҳам жой олади.

Бугунги ўйинда Ўзбекистон терма жамоасига сайтимиз ўқувчилари ва ижодий гуруҳимиз номидан катта омад тилаб қоламиз! Бизни фақат ғалаба қаноатлантиради!

Эктор Купернинг расмий дебюти терма жамоамиз учун омадли бўлсин! Олға Ўзбекистон!

"CA" ижодий жамоаси: Нарзулла Сайдуллаев, Хайрулла Холиқов, Толибжон Қосимов, Ғайрат Хасбиулин, Жасур Асланов, Зоир Турсунбоев, Шаҳбоз Беғамов

Шаржа, 9 январь