Баҳодир Аҳмедов: "Эронга қарши энг яхши ўйинимизни намойиш қиламиз"
08 фев 2018 18:54
Новости

Баҳодир Аҳмедов: "Эронга қарши энг яхши ўйинимизни намойиш қиламиз"

Футзал бўйича Ўзбекистон терма жамоаси бош мураббийи Баҳодир Аҳмедов Вьетнамга қарши (3:1) Осиё чемпионати чорак финал ўйинидан кейин ўтказилган матбуот анжуманида ўз фикрларини билдириб ўтди.

“Туркманистонда ўтказилган Ёпиқ иншоотлардаги Осиё ўйинларида ҳам Вьетнамни иккита тўп фарқи (2:0) билан мағлуб этганмиз. Аммо бугунги ўйин олдидан барчасини унутиб, рақибни таҳлил қилдик ва шунга яраша тайёрландик. Бугунги ўйин натижасидан мамнунман.

Вьетнам ёмон ўйин кўрсатмади, бизга етарлича муаммолар туғдирди. Биз ўз имкониятларимиздан фойдаландик, улар эса йўқ. Шу сабабли муваффақиятга эришдик. Вьетнам футзали ижобий томонга ўзгариб, ривожланмоқда.

Ярим финалда Эрон билан тўқнаш келамиз. Беллашув осон кечмаслиги аниқ, аммо биз энг яхши ўйинимизни кўрсатиб, финалга йўл олишга ҳаракат қиламиз”, – деди Баҳодир Аҳмедов.

Ссылка :

Источник : the-uff.com

Получайте новости прямо в Telegram!

Рейтинг: +48