"Аякс" ўйинчиси Голландияда йил футболчиси, эронлик ҳужумчи иккинчи + ФОТО
04 сен 2018 11:34
Новости

"Аякс" ўйинчиси Голландияда йил футболчиси, эронлик ҳужумчи иккинчи + ФОТО

Кеча Голландия чемпионатининг 2017-2018 йилги мавсум лауреатларини тақдирлаш маросими бўлиб ўтди.

Унга кўра, "Аякс"нинг ҳужумкор ярим ҳимоячиси Ҳаким Зийеч Эредивизиянинг энг яхши ўйинчиси деб топилди.

Эрон терма жамоаси ва бугунги кунда "Брайтон" (АПЛ) аъзоси ҳисобланган Алиризо Жаҳонбахш (ўтган мавсум "АЗ Алкмаар"да тўп тепган) кумуш бутса соҳиби, "Аякс"нинг 19 ёшли марказий ҳимоячиси Маттейс де Лигт эса бронза бутсани қўлга киритди.

Шунингдек, Маттейс де Лигт Голландия чемпионатининг энг яхши ёш футболчиси ҳам бўлди.

Эслатиб ўтамиз, Ҳаким Зийеч бир йил олдин ҳам Голландия чемпионатининг энг яхши ўйинчиси деб топилган эди. Демак, марокашлик футболчи учун бу кетма-кет иккинчи мана шундай соврин.