JCH-2014. Yunon askarlarining kuchi etmadi yoxud Kolumbiyada g'alaba

O'yinning beshinchi daqiqasidayoq Pablo Armero hisobni ochdi. Gol urib olganlaridan keyin Pakerman shogirdlari hotirjam harakat qila boshlashdi. Greciya terma jamoasi futbolchilariga esa hujumlarni samarali yakunlash uchun aniqlik va sovuqqonlik etishmadi.

Birinchi bo'limda maelum vaqt davomida yunonlar ustunlikni o'z qo'llariga olishdi. O'sha vaziyatlarda Kolumbiyaliklar tezkor qarshi hujumlardan foydalanishdi.



Ikkinchi bo'limda esa Greciya futbolchilarining kuchi qolmadi. Pakerman shogirdlari ko'plab imkoniyatlarga ega bo'lishdi, ammo, ularning hammasidan ham unumli foydalana olishmadi.

58 daqiqada Aguilar tomonidan etkazib berilgan to'pni Gutierrez Karnezis qo'riqlayotgan darvozaga joylab qo'ydi.



O'tkazib yuborilgan ikkinchi goldan so'ng yunon futbolchilarining o'yinida "brak"lar ko'payib ketdi, qasidir vaziyatlarda esa omad ularga kulib boqmadi.
Kolumbiyada Falkaoning yo'qligi bilinmadi, har holda ancha bo'sh jamoa bilan o'yin edi.

Uchrashuvning asosiy vaqtiga bosh hakam Mark Geiger qo'shib bergan daqiqalarda o'yinning eng yaxshi futbolchisi deb topilgan Xames Rodriges chiroyli zarba bilan hisobni yiriklashtirib qo'ydi. SHu tariqa Kolumbiya dastlabki uch ochkoni qo'lga kiritdi.  



KOLUMBIYA - GRECIYA 3:0

14 iyun. 21:00
Bosh hakam: Mark Geiger (AQSH)
Yordamchi hakamlar: Mark Sin Xurd (AQSH), Joy Fletcher (Kanada)
Zaxira hakami: Alirizo Fag'oni (Eron)

Kolumbiya – Greciya  3:0 (1:0, 2:0)
Gollar: 1:0 – 5 Armero,  2:0 – 58 Guterres,  3:0 – 90 X. Rodriges.
Kolumbiya – Ospina, Suniga, Sapata, Yepes, Armero (Aryas, 74), Agilyar (Mexiya, 69), K. Sanches, Kuadrado, X. Rodriges, Ibarbo, Guterres (Dj. Martines, 76).
Greciya – Karnezis, Torosidis, Papastatopulos, Manolas, Xolebas, Kacuranis, Manyatis, Kone (Karagunis, 78), Salpingidis (Fetfacidis, 57), Samaras, Gekas (Mitroglu , 64).
Ogohlantirishlar: K. Sanches (26), Papastatopulos (52), Salpingidis (55).