JCH-2014. Belgiya - AQSH. PREVYU

Belgiya va AQSH mundialda kuchli raqiblarga tashvish tug'dirishi oldindan kutilgandi. Belgiya guruh bosqichida umuman qiynalmadi, u qadar kuchli bo'lmagan kvartetdagi barcha o'yinlarni yutdi. AQSH esa Portugaliya va Gana kabi jamoalarni ortda qoldirgan holda guruhdan chiqdi.



Belgiya - AQSH
2 iyul. 01:00
Bosh hakam: Jamel Haymudi (Jazoir)
Yordamchi hakamlar: Redouane Achik (Marokash), Abdulhaq Etchiali (Jazoir)
Zaxira hakami: Norbert Xauata (Taiti).

Taxminiy tarkiblar:

Belgiya: Kurtua - Alderveyreld, van Byuyten, Kompani, Vertongen - Vitsel, Fellaini - Mertens, de Breyne, Azar - Origi

AQSH: Xovard - Jonson, Gonsales, Besler, Bizli - Bekerman - Zusi, Jons, Bredli, Bedoyya - Dempsi

Jarohat olganlar: Kompani, Vermalen (ikkisi- so'roq ostida), Siman, Vanden Borre - Altidor

Diskvalifikaciya qilingan: Defur (Belgiya)

Bitta ogohlantirishga ega: Vitsel, Vertongen, Dembele, Alderveyreld - Jons, Bekerman, Gonsales



O'yinoldi fikrlar

Mark Vilmost (Belgiya bosh murabbiyi):

"Albatta, Belgiyani AQSHga qarshi o'yinda favorit deb hisoblamayman. Ammo maydonda o'zimizning o'yinimizni ko'rsatib g'alaba qozonishga urinamiz. Jahon chempionatining chorak finaliga chiqish uchun bor kuchimiz bilan o'ynaymiz".

Yurgen Klinsmann (AQSH bosh murabbiyi):

"O'yinga keladigan bo'lsak, unga tayyormiz. Biz penaltilar seriyasiga ham tayyorlandik. Bunday bo'ladi deb aniq ayta olmayman, lekin ruhiy holatimiz bunga tayyor bo'lishi lozim. Raqiblarimiz penaltilarni qay tarzda tepishlarini o'rganib chiqdik".

O'zaro o'yinlar

Ikkala jamoa o'zaro 5 marta to'qnash kelishgan. 4 marta Belgiya zafar quchgan, bir bor 1 AQSH g'olib chiqqan. To'plar nisbatida evropaliklar ustun: 8:5

Bu jamoalar o'rtasidagi oxirgi o'yin (30.05.2013): AQSH - Belgiya 2:4 (Kemeron, Dempsi - Miralyas, Benteke-2ta, Fellaini)



Qiziqarli faktlar

- Belgiya guruh bahslarida atiga 4ta gol urdi. Pley-offga chiqqan jamoalar orasida faqat Greciyaning natijasi yomonroq (2ta gol);

- Loren Simandan tashqari barcha futbolchilar (darvozabonlar inobatga olinmagan) Belgiya safida maydonga tushib bo'lishdi;

- Tibo Kurtua maydonga tushgan o'yinlarda Belgiya terma jamoasi hozircha umuman mag'lub bo'lmagan.


Narzulla Saydullaev tayyorladi