Jamshid Saidov: “Futbolchilarimizga o'zlariga bo'lgan ishonch etishmayapti”

- Qizil kartochkaga qadar deyarli o'yin nazoratini o'z qo'limizda ushlab turgandik. Buni samarasi o'laroq vaziyatlar sodir etayotgandik. Yani yigitlar yomon taassurot qoldirishmayotgandi. Kamchilikda qolganimizdan keyin o'yinni borishi o'zgarib ketdi. Futbolchilarimizda ishonchsizlik kuzatilib xato ketidan xatolar kuzatildi. Oqibatda raqib ikkinchi golni urishga ham erishdi. SHundan so'ng yigitlarning harakatida pasayish kuzatildi. Garchi o'n kishi bo'lib o'ynagan bo'lsakda, vaziyatlarga ega bo'ldik. To'pni nazorat qilgan bo'lsakda, son jihatidan kamchilikda harakat qilish qiyin kechmoqda. Jamoa deyarli barcha uchrashuvlarda gol urayotgan bo'lsada, muammolarni mavjudligi va futbolchilarda ishonchni etishmasligi ijobiy natijalarni qo'lga kiritilishiga to'sqinlik qilmoqda. Yigitlar ruhiy tomondan tushkun holatga tushib qolishgan. SHu sababli, bu borada biror-bir jo'yali fikr bildirish mushkul. Bunga misol tariqasida bugungi o'yinni keltirish mumkin. Birinchi bo'lib gol urgan bo'lsakda, xatolarimiz tufayli o'z darvozamizdan to'plarni olib chiqishga majbur bo'ldik. Futbol xatolar evaziga ham tuziladi. Ko'p xatolarga yo'l qo'yish salbiy holatlarga olib keladi. Agarda 1:0 hisobida oldindan borayotgan vaqtda ikkinchi golni ura olganimizda uchrashuvni borishi umuman boshqa bo'lardi.