Xayriya uchrashuvida Ronaldinoning jamoasi Maradona jamoasini mag'lub etdi (+foto)
13 okt 2016 10:33
Yangiliklar

Xayriya uchrashuvida Ronaldinoning jamoasi Maradona jamoasini mag'lub etdi (+foto)

Rimda "Tinchlik uchrashuvi" deb nomlangan xayriya o'yini bo'lib o'tdi.

Ushbu uchrashuv ikkinchi marotaba Rim Papasi Franciskning tashabbusi bilan o'tkazilmoqda.

O'yin 12 oktyabr kuni Rimdagi Olimpiya stadionida bo'lib o'tdi va bahsda Ronaldinoning jamoasi 4:3 hisobida Maradona jamoasini mag'lub etdi. G'oliblar tarkibida Frederik Kanute, Boyan Krkich, Ernan Krespo va Fernando Kavenagi gol urishdi. Ko'klar safida esa Antonio Di Natale, Franchesko Totti va Nikolas Burdisso o'z nomini tabloga yozdirib qo'ydi.

Uchrashuvdan yig'ilgan pullar gumanitar maqsadlarda ishlatiladi. Mablag'ning bir qismi 24 avgust kuni qattiq zil-ziladan jabr chekkan italiyaliklarga xayriya qilinadi.