Vodiy futboli. "Andijon"da yangi murabbiy ish boshladi

“Qo'qon-1912”: Asilbek Omonov 22 yoshni qarshi oldi
 
Kecha “Qo'qon-1912” jamoasi darvozaboni Asilbek Omonov tug'ilgan kunini nishonladi. Yurtimizda mustaqillik bayrami o'tkazilgan paytda Asilbek Omonov 22 yoshni qarshi oldi.  Asilbek Omonov 1993 yilning 1 sentyabr sanasida Navoiy viloyatining Zarafshon shahrida tavallud topgan.

SHu munosabat bilan klubimiz rahbariyati, murabbiylar shtabi, futbolchilar, klub xodimlari va futbol muxlislari nomidan darvozabonimizni chin yurakdan tabriklaymiz. Unga sihat-salomatlik, kelgusi ishlariga omad tilab qolamiz.


"Andijon": Sergey Kovshov mavsum oxirigacha bosh murabbiy bo'lib ishlaydi

Bugun "Andijon" klubi rahbariyati majlis o'tkazdi. Unga ko'ra Edgar Gessga olib borgan ishiga minnatdorchilik bildirib uni isteofga chiqardi.

Jamoani mavsum oxiriga qadar Sergey Kovshov bosh murabbiy bo'lib ishlaydigan bo'ldi. "UzDongJu" bosh murabbiyi Nozim Mullaoxunov esa "burgutlar"ga katta murabbiy etib tayinlandi. Yordamchi murabbiylar Oleg Tyulkin va Vitaliy Legay ham klubda qolishdi.


"Navbahor": "Dinamo" bilan o'yinga Toshkentda tayyorgarlik ketmoqda

O'zbekiston terma jamoasining JCH-2018 musobaqasi saralash o'yinlariga tayyorgarlik ko'rishi munosabati bilan oliy ligada kichik tanaffus yuzaga kelganidan xabaringiz bor.

"Bunyodkor"ga qarshi kechgan uchrashuvdan so'ng futbolchilarga qisqa muddatli tatil elon qilingandi. Tatil yakuniga etgach kechadan boshlab jamoa azolari Toshkentda yig'ilib "Geofizika" qarorgohida to'planishdi. "Lochinlar" shu erda istiqomat qilib, mashg'ulotlarni davom ettirishadi.
Eslatib o'tamiz, 21- tur o'yinlari doirasida "Navbahor" 12- sentyabr kuni Samarqandning "Dinamo" klubiga qarshi mehmonda o'zaro kuch sinashadi.