Mahdavikiya, Miladinovich, Elichich, Zeytullaev, Berdiev va boshqalar Pro licenziyasi uchun tahsil olmoqda

Unda jami 21 nafar mutaxassis o'qiyotgan bo'lib, shularning to'rt nafari xorijlik hisoblanadi: Mirko Elichich (Avstraliya), Boyan Miladinovich (Serbiya), Jasvinder Sinkh (Singapur), Mehdiy Mahdavikiya (Eron). 

O'quv kursi umumiy 8 ta moduldan iborat bo'lib, u 2025 yilning dekabr oyida yakuniga etadi. Belgiyalik Gi Kiala Pro licenziyasi uchun o'qish niyatida bo'lgan talabgorlarni saralab olish tizimini yangiladi. SHuningdek, Liga bilan kelishuv asosida yakuniy bitiruv imtihoni hamda umumiy baholash tizimini qatiylashtirdi. Endilikda Pro licenziyasi uchun tahsil olayotgan mutaxassislardan barcha modullar hamda imtihonlarga jiddiy yondoshuv talab etiladi. Xorijlik mutaxassis nazorati ostida tashkil etilayotgan kursni yakunlash va tegishli diplomga ega chiqish oson bo'lmaydi. Mazkur talab avvalroq O'FA prezidenti tomonidan texnik direktor oldiga vazifa sifatida belgilab berilgandi.

SHuningdek, 21 nafar mutaxassisning Evropada tajriba almashishi uchun imkoniyat yaratiladi. Xususan, modullar orasidan Belgiya safari ham o'rin olgan bo'lib, uning davomida 21 nafar mutaxassis Belgiya futboli tizimi, murabbiylik malakasini o'rganish hamda boshqa zaruriy axborot almashish imkoniyatiga ega bo'ladi.