Vadim Abramov: "Galiulinni anchadan buyon sinab ko'rmoqchi edik"
02 fev 2021 16:00
Yangiliklar
![](https://championat.asia/upload/storage/617775_original.jpg)
![](/upload/storage/617775_220.jpg)
Vadim Abramov: "Galiulinni anchadan buyon sinab ko'rmoqchi edik"
Ushbu ro'yxat borasida terma jamoa bosh murabbiyi Vadim Abramovga qo'ng'iroq qildik.
- Leginoerlarni hisobga olmaganda yig'inga o'zingiz o'ylagan barchani chaqira oldingizmi?
- Ha, legionerlar FIFA kuni bo'lmagani uchun bu yig'inga chaqira olmadik. Qolgan barchani chaqirdik. Hozircha hech kimda jarohat yo'q, agar xudo ko'rsatmasin yig'inga yaqin kimdir jarohat olsa yoki boshqa muammo bo'lsa uni o'rniga boshqa futbolchini chaqiramiz.
- Ko'pchilikda Vagiz Galiulin borasida savol uyg'ondi...
- Uni anchadan buyon terma jamoada sinab ko'rishni maqsad qilgandik. U Rossiya birinchi ligasida o'ynamoqda. Hatto FIFA kuni vaqtida Rossiya birinchi ligasida tanaffus bo'lmaydi. "Nefteximik" klubi rahbariyati bilan gaplashdik va kelishuvga erishdik.
- Bu yig'inga Mirjahon Mirahmadov ham chaqirilibdi...
- Ha, u sobiq olimpiya terma jamoasi hujumchisi edi. Yosh hujumchini milliy terma jamoada qanday ko'rinishini bilmoqchimiz.
- SHohruz Norxonov va Humoyun Murtozaev esa ro'yxatda yo'q ekan...
- Ularni oldingi yig'inlarda sinab ko'rgandik. Bu safar boshqa hujumchiga imkoniyat bermoqchimiz. SHomurodov Italiyada, Ubaydullaev esa Belarus klubiga o'tdi. Sergeev ayni paytda klub qidirmoqda.
- Eldor Suyunov bu safargi yig'inga ham chaqirilmadi. Unda jarohat yo'q, shunchaki rotaciyami?
- Suyunovda hech qanday jarohat yo'q. SHunchaki u terma jamoaga chaqirilsa maydonga tushishi kerak, Suyunov yig'inga kelib zaxirada o'tirishidan mantiq yo'q. Qolgan posbonlarni sinab ko'ramiz.
O'zbekiston MTJning Dubaydagi yig'iniga 25 nafar futbolchi chaqiruv oldi
Reklama
O’xshash yangiliklar
![AMP Logo](https://championat.asia/image/logo-amp.png)
Fikrlar