Superliga. 9ta klub dastlabki 3ta turda faqat bir xil formadan foydalandi. Bunga sabab nima?

Ortda qolgan 3ta tur davomida klublarimiz foydalangan formalarga etibor qaratdik.

PFL mavsumdan oldin har bir klubimizning uy va safar formalarini taqdim etdi. Dastlabki uchta turda faqatgina 5ta klub uy va safar formalaridan foydalandi xolos. Bular "Navbahor", "Dinamo", "Qizilqum", "So'g'diyona" va "Metallurg".

9ta klub esa uyda ham, safarda ham bir xil rangli formalarda maydonga tushdi. Bazi klublarda ikkinchi forma hali ham etib kelmagan bo'lish ehtimoli katta. Bazi klublarda safar formalari bor, ammo rangi mezbon formasiga o'xshash bo'lgani bois boshqa futbolkada maydonga tushgan bo'lishi mumkin.

"Nasaf" faqat qizilda o'ynadi (safardagisi ko'k)
"Olimpik" faqat oqda o'ynadi (safardagisi qizil)
"Paxtakor" faqat oqda o'ynadi (uydagisi ko'k)
"Bunyodkor" faqat ko'kda o'ynadi (safardagisi oq)
"Neftchi" faqat sariqda o'ynadi (safardagisi yashil-oq)
OKMK faqat oqda o'ynadi (safardagisi ko'k)
"Andijon" faqat qizilda o'ynadi (safardagisi oq)
"Lokomotiv" faqat qizilda o'ynadi (safardagisi oq)
"Surxon" faqat sariqda o'ynadi (safardagisi ko'k)

P.S. Biroz avval PFL 4-turda klublar foydalanadigan formalarni elon qildi. Unga ko'ra "Lokomotiv" mavsumda ilk bor oq rangli futbolkada o'ynaydi. "Nasaf" ham birinchi marta ko'k rangli libosda maydonga tushadi.