SHukur Po'latov: “Ikkinchi davrada muxlislarimizni ko'p xursand qilamiz”

Futbolchi intervyu davomida Dukent yig'ini va navbatdagi davra borasidagi fikrlarini bildirib o'tdi.

– Dukentda ikki mahaldan mashg'ulot olib bordik. Jamoada kayfiyat yaxshi deb aytish mumkin. Yig'in davomida asosan jismoniy tayyorgarlik bo'yicha ishladik. Murabbiylarimiz jamoani ikkinchi davraga munosib tayyorlay olishdi deb ayta olaman.

– “Buxoro” jamoasiga qarshi kechgan o'rtoqlik o'yin borasidagi fikrlaringiz qanday ?

– Ochig'i, tog'dagi og'ir yuklamali mashqlardan so'ng “Buxoro”ga qarshi o'yinda ishtirok etish qiyin kechdi. Lekin foydali bahs bo'ldi. Sekin-asta o'yin amaliyotimizni tiklab borishga harakat qilyapmiz. Nasib qilsa ikkinchi davraning dastlabki uchrashuvida “Bunyodkor”ga qarshi o'yinni g'alaba bilan boshlab, o'z muxlislarimizni xursand qilamiz.  To'g'ri davraning boshidagi raqiblarimiz oddiy jamoalar emas. Lekin biz xar bir o'yinda  g'alaba qozonib, muxlislarimizni xursand qilish uchun maydonga chiqamiz. Bu bizning asosiy vazifamizdir.

– Ikkinchi davra avvalida Akmal Xolmatov, Anvar Berdiev va Sardor Rahmonov kabi futbolchilar jamoa safiga kelib qo'shildi. Bu o'zgarishlar albatta “Neftchi” foydasiga ishlashi aniq. To'g'rimi ?

– Fikringizga qo'shilaman. Sardor Rahmonov hamda Akmal Xolmatovlar o'tgan mavsumlar davomida “Neftchi” sharafini munosib himoya qilib kelishdi. Ularning ortga qaytishi faqat jamoamiz foydasiga ishlaydi. Anvar Berdievda esa tajriba katta. Ularni klubga kelishi to'g'ri qaror bo'ldi.

– Himoyachi bo'lishingizga qaramay, birinchi davraning aksariyat bahslarida gollar urdingiz. Ayniqsa “Metallurg” darvozasiga kiritgan to'pingiz mavsumning eng chiroyli gollaridan biri bo'ldi. Bundan buyog'iga ham sizdan mana shunday chiroyli gollar ko'ramizmi ?

– Albatta xar bir o'yinda murabbiylar, jamoadoshlarim va muxlislarning ishonchini oqlashga harakat qilaman. Ochig'i, men uchun eng muhimi jamoamizning g'alabalari hisoblanadi. Yarishmayman, ikkinchi davrada muxlislarimizni ko'p xursand qilish niyatidamiz, – dedi SHukurali Po'latov “Neftchi” PFK rasmiy saytiga bergan interyusida.