“SHo'rtan”da uyg'onish davri. Klub yana o'z akademiyasiga etibor berishni boshladi

O'zbekiston Professional futbol ligasi klubdagi muammolar, qarzdorliklar masalasida jiddiy ish olib borishiga to'g'ri keldi. 

Uzoq yillar davomida “Nasaf” futbol klubi tizimida ishlagan, klub akademiyasini ko'tarish, stadionni zamonaviy ko'rinishga keltirish kabi masalalarda jonbozlik ko'rsatgan mutaxassis SHamil Yarulin “SHo'rtan”da ish boshlagach, muammolar hal etila boshlandi. 

Bugunga kelib “SHo'rtan” barcha qarzlaridan qutilgani etiborga molik. SHuningdek, o'tgan mavsum tamirdan chiqqan akademiya binosi foydalanishga topshirildi. Albatta pandemiya davrida “SHo'rtan” klubiga qarashli baza va akademiyalarga oson bo'lmadi. Viloyat hokimiyati uning ayrim obektlaridan shifoxona sifatida foydalandi. 

O'tgan haftada “SHo'rtan” va nihoyat akademiyani isloh qilishga keng urg'u bera boshladi. Klub birinchi navbatda yosh futbolchilarni kiyim-bosh bilan taminladi. Endilikda akademiyaning barcha yosh futbolchilari kishi havasini keliradi — ularning egnida bir xilda sport formasi bor. 

Klub akademiya faoliyati bilan tanishtirish, tarbiyalanuvchilarga yaratilgan sharoitlar, ovqatlanish va mashg'ulot jarayonlari haqida batafsil malumot berish niyatida yosh futbolchilarning ota-onalarini ham taklif qildi. 

Ayni vaqtda “Hududgaztaminot” AJ uzoq yillar muammolar girdobida qolib ketgan “SHo'rtan”ga katta amaliy yordam berib kelayotgani etiborga molik. O'z navbatida O'zbekiston Professional futbol ligasi bu borada tashkilotga minnatdorchilik bildiradi.