SHohruh Ishanov: "Jamoamiz asosini 2005-2006 yillarda tug'ilgan futbolchilar tashkil etadi"

"Ushbu musobaqada ikkinchi bor ishtirok etayapmiz. O'tgan mavsumda ham yosh tarkibimiz bilan ushbu musobaqada qatnashgandik. Jamoamiz haqida aytadigan bo'lsam, asosan 2005-2006 yillarda tug'ilgan futbolchilar tarkibning asosini tashkil etadi. SHuningdek, hozirda 5-6 nafar tajribali futbolchini ham tarkibimizga jalb etdik.

O'tgan mavsum Birinchi ligada o'ynadik va yakunda Pro liga yo'llanmasini qo'lga kiritdik. "Hokim kubogi" nufuzli turnir, ushbu musobaqada 2-o'rinni jamoamizning yosh yigitlariga motivaciya bo'ladi. Tashkilotchilarga rahmat, barcha o'yinlar professional darajada o'tkazildi. 

Bugungi final uchrashuvi yakunida tashkil etilgan taqdirlash marosimida jamoamizning yosh futbolchilariga bir qator esdalik sovg'alari topshirildi. Biz ushbu musobaqada ishtirok etganimizdan xursandmiz", – dedi "Andijon SGS” bosh murabbiyi.

Bekzod Tolibov yozib oldi