SHik: "Darvozabonning turgan nuqtasi doimiy kuzatuvimda edi"

"Ikkita gol, quruq hisobdagi g'alaba - turnirning ideal boshlanishi hisoblanadi. Biz ko'proq gollar urishimiz mumkin edi, undan tashqari, Vaclik ham ko'p bora bizni qutqarib qoldi. Jamoa sifatida bunday startdan mamnunmiz.

Uchrashuv vaqtida raqib darvozaboni turgan nuqtasini doimiy kuzatib bordim va ikkinchi golni urganim kabi payt poyladim. SHu vaqt keldi, darvozabonga qarasam ancha oldinda va to'pni darvozaga tepdim.

Angliya va Xorvatiyaga qarshi o'yinlar uchun bizga yanada ko'proq kuch kerak. Biz hozirgidanda kuchliroq o'yin ko'rsatishimiz lozim. Umid qilamanki, buni uddalay olamiz", - dedi SHik.