Sardor Qobuljonov: “O'yinni sog'indim”

- Bugungi g'alaba bilan barcha “Buxoro” muxlislarini tabriklayman, - deydi S. Qobuljonov. - Uchrashuv asosan bizning ustunligimizda kechdi. Ammo “Neftchi” futbolchilari ham qarshi hujumlarda bir necha bor yaxshi vaziyatlarga ega bo'lishdi. Yaxshi hamki omad biz tomonda bo'ldi.

Mazkur uchrashuv mavsumdagi ilk o'yinim bo'lgani uchun ham hayajon yuqori bo'ldi. Jarohatim bois anchadan buyon rasmiy bahslarda o'ynamaganligim uchun katta o'yinlarni sog'ingan ekanman. Qo'ldan kelgancha murabbiy va muxlislar ishonchini oqlashga harakat qildim. Nasib etsa keyingi o'yinlarda muxlislarni xursand etishda davom etamiz.

"Buxoro" matbuot xizmati