Сардор Қобулжонов: "Бухоро" шу йилнинг ўзида Суперлигага қайтишга тайёр!"
22 мар 2021 22:21
Янгиликлар
Сардор Қобулжонов: "Бухоро" шу йилнинг ўзида Суперлигага қайтишга тайёр!"
- Янги мавсумга тайёргарлик қандай ўтди?
- Тайёргарлик аъло даражада ўтди. Тошкентда бир қатор назорат учрашувларида иштирок этдик, машғулотлар ўтказдик. Про лиганинг янги мавсумига тайёрмиз дея оламан.
- Биринчи турдаги рақиб "Оқ-тепа" ҳақида қандай фикрдасиз?
- Рақиб бир неча йиллардан буён Про лигада иштирок этиб келмоқда. Анчагина яхши ва кучли жамоа деб ўйлайман.
- Мавсумнинг дастлабки иккита учрашувини сафарда ўтказиш қанчалик оғир?
- Дастлабки икки учрашув сафарда ўтиши албатта ҳар қандай жамоа учун қийин бўлади. Лекин бунга эътибор бермаслигимиз лозим. Чунки бизнинг мақсадимиз битта - Суперлигага қайтиш!
- Жамоа шу йилнинг ўзида Суперлигага қайтишга тайёрми?
- ИншаАллоҳ тайёр. Худо хоҳласа, шу йилнинг ўзида Суперлигага чиқамиз.
- Биламизки "Бухоро"га легионер дарвозабон Раҳат Жапаров келган. У ҳақида қандай фикрдасиз? Рақобатга тайёрмисиз?
- Жапаров анча яхши дарвозабонлигини машғулотларда кўрсатди. Рақобатга ҳамиша тайёрман, рақобат бор жойда ўсиш бўлишини мендан яхши биласиз.
- Бухоролик мухлисларга тилакларингиз...
- Мухлисларга тилагим - бахтимизга доим соғ бўлишсин, футбол улар билан қизиқ!
Мақсуд Комилов суҳбатлашди
Ўхшаш янгиликлар
championat.asia
Роналду ММА-промоушен акциядорига айланди
Морган Роналдунинг шартли дисквалификацияси ҳақида: "Тўғри қарор. Криштиануни атайлаб кийимидан тортишган"
Манба: Самвел Бабаян - "Андижон" бош мураббийи!
Суперлига. Голи инобатга олинмаган ва бир киши кам қолган "Пахтакор" "Навбаҳор" майдонида очко йўқотганига қарамай, мавсумни иккинчи ўринда якунлади
Фикрлар