Sanjar Tursunov: "Kelinglar, shu bolakayga yordam beraylik"

"Kecha men Abrambekni ko'rgani bordim. Hozir u Janubiy Koreyada yashayapti. U plastik mahsulotlar ishlab chiqarish zavodida ishlardi. 10 oy avval uning sog'ligi kutilmaganda yomonlashdi. 3 oy oldin esa u komaga tushib qoldi. Kecha o'ziga keldi va shifokorlar u bilan ko'rishish mumkinligini aytishdi. Abrambekka imzo qo'yilgan futbol to'pini sovg'a qildim va unga yaqin vaqt ichida birga futbol o'ynashimizni aytdim. U bilan birga to'p tepish uchun qo'limdan kelganicha harakat qilaman.

Mutaxassislar hamon bu qanday kasallik ekanligi va buning sababini ayta olishmayapti. U gapirmaydi, xatto o'z og'riqlarini etkazib bera olmaydi, yaxshi eshitmaydi. Davolanish, dorilar va parvarish uchun ko'p pul kerak.

Qadrli do'stlar! Kelinglar shu yigitga yordam beraylik. Dunyoda yaxshi odamlar juda ko'p. Quyidagi rasmda bank hisob raqami yozilgan. O'sha erga pul o'tkazish mumkin. U sizning yordamingizga juda muhtoj!", - deb yozadi Sanjar Tursunov feysbukdagi o'z sahifasida.