Sanjar Tursunov futbolchilik faoliyatini yakunladi

O'zbekiston terma jamoasi, OKMK, "Lokomotiv" va "Bunyodkor" klublari sobiq futbolchisi Sanjar Tursunov futbolchilik faoliyatini yakunlaganini elon qildi. 38 yoshli Tursunov o'zining ijtimoiy tarmoqlardagi sahifasida buni malum qildi.

"Bugun men o'z professional futbol faoliyatimga yakun yasaganimni elon qilmoqchiman.

Butun futbol jamoatchiligiga, terma jamoa va faoliyatim davomida o'ynagan jamoalarga, shu o'rinda marabbiylarga, jamoadoshlarimga va futbol muhlislariga tashakkur izxor etaman", -deb yozadi Sanjar Tursunov.

Malumot uchun, Sanjar Tursunov O'zbekiston terma jamoasi safida 51 ta o'yinda maydonga tushib, 5 ta gol urgan. Faoliyati davomida Rossiya, Qatar, Ukraina, Janubiy Koreya klublarida legioner sifatida ham faoliyat olib borgan.