Samarqand va SHipilov uchun "qora" kunlar davom etadi. "Paxtakor" - "Dinamo" uchrashuvidan 8ta fakt

Qiziqarli va gollarga boy o'tgan o'yinda mezbonlar 3:2 hisobida g'alaba qozondi.  Mazkur uchrashuvdan so'ng bir qator qiziqarli faktlarga to'xtalib o'tsak. 

1. Ushbu bellashuv jamoalar tarixidagi 50 o'yin sifatida tarixga kirdi.

2. Andrey SHipilov murabbiylik faoliyatida to'qqizinchi bor "Paxtakor"ga qarshi maydonga chiqdi va ularning barchasida mag'lubiyatga uchradi. 

3. Kecha maydon egalari tarkibida Pshemislav Banashak, Ilya Martinovich debyutini o'tkazdi. Polshalik hujumchi jamoadagi ilk bahsida gol urdi. Mehmonlarda esa Marat Bikmaev, Elguja Grigalashvili, SHohruh Mahmudxojiev debyutini nishonladi.

4. Dragan CHeran bu yil hisobidan Superligadagi 6 golini urdi. U gol urgan uchrashuvlarda  "Paxtakor" mag'lubiyatga uchragani yo'q.

5. Marat Bikmaev joriy mavsumdagi birinchi to'pini "Paxtakor" darvozasiga kiritdi. Hujumchi jamoasining ikkinchi goliga ham mualliflik qildi.

6. "SHerlar" ushbu mavsumda birinchi marotaba bitta o'yinda 3ta gol urishga muvaffaq bo'ldi. 

7. "Paxtakor" samarqandliklar bilan o'zaro o'yinlardagi 103 golini urdi, 39 g'alabasini tantana qildi.

8. "Dinamo"ning Superligadagi g'alabasiz seriyasi 8ta uchrashuvga etdi. Jamoa so'nngi bor 5-turda  "Lokomotiv"dan ustun kelgandi.

Abdulaziz Iskandarov