Ruslan Jiyanov Rossiya klubi bilan shartnoma imzolagach "Olimpik"ka qaytadi

Eshitdik-da! Jiyanov Rossiyaga ko'chib o'tdi

Saytimizga ushbu kelishuvning detallari malum bo'ldi. 21 yoshli futbolchi tez orada "Nijniy Novgorod" (Pari NN) klubi bilan bir necha yillik shartnoma imzolaydi va ijara asosida "Olimpik"ka qaytadi. Kelishuvga ko'ra, Jiyanov boshlanajak mavsumni Timur Kapadze jamoasida o'tkazadi. Lekin, rus klubi uni qishgacha kutib o'tirmay yozda ham ijaradan qaytarib olishi mumkin bo'ladi. Bunisi endi mayda faktorlarga bog'liq. Bunday yo'l tutilishidan maqsad, oldinda turgan Olimpiadaga yo'llanma beruvchi Osiyo chempionati oldidan OTJning muhim o'yinchilaridan birini doimiy o'yin amaliyoti bilan taminlash.

"Pari NN" tarkibida yana bir o'zbekistonlik o'yinchi Ibrohimhalil Yo'ldoshev ham harakat qiladi.

"Olimpik" jamoasi bugundan yig'inni boshladi va unda Ruslan ham ishtirok etmoqda. U allaqachon Rossiyadan qaytgan va jamoa ixtiyoriga kelib qo'shilgan. Ammo, hali ruslar bilan shartnoma imzolanmagan. Tomonlar og'zaki kelishuvga erishishgan.

Eslatib o'tamiz, 2022 yilni "Olimpik" tarkibida o'tkazgan 21 yoshli Jiyanov 28 uchrashuvda 6ta gol urgan va 4ta golli pas bergan.