"Roma" matbuot xizmati "Udineze" bilan o'yinda tobi qochgan futbolchisining holi haqida malumot berdi

"Jamoa N'Dikani ko'rgani kasalxonaga bordi. Evan o'zini yaxshi his qilmoqda va kayfiyati yaxshi. U shifokorlar nazorati ostidagi keyingi tekshiruvlar uchun shifoxonada qoladi", – deyiladi klub xabarida.

Kecha "Roma" himoyachisi Evan N'Dika o'yin vaqtida o'zini yomon his qilib, yiqilib tushdi, ammo u sheriklariga ko'krak qafasidagi og'riq haqida xabar berishga ulgurdi. Bu holat 32-tur doirasidagi bahs 1:1 hisobida yakunlanishiga 18 daqiqa qolganida sodir bo'ldi. 

Voqeadan keyin jamoalar va hakam o'yinni boshqa safar tugatib qo'yishga kelishib olishdi.