"Real" "Liverpul"ga qarshi o'yin oldidan jiddiy yo'qotishga uchradi

Bu haqda "qirollik klubi" matbuot xizmati xabar bermoqda.

"Qaymoqranglilar" xabariga ko'ra, tibbiy tekshiruvdan o'tgan braziliyalik hujumchining chap sonida jarohat aniqlangan. Vinisius taxminan uch hafta maydonga tusha olmaydi. SHunday qilib, hujumchi CHempionlar Ligasi umumiy bosqichidagi "Liverpul" bilan uchrashuvda "Real"ga yordam berolmaydi.

24 yoshli futbolchi La Liga joriy mavsumida 13 o'yinda maydonga tushdi. Yosh o'yinchi 8 ta to'p kiritdi hamda 5 ta golga assistentlik qildi.

Eslatib o'tamiz, "Liverpul" – "Real" to'qnashuvi 27 noyabrdan 28 noyabrga o'tar kechasi 01:00 da start oladi.