"Real" chempionlikdan umidini uzdi

Ushbu sahifada o'yinning matnli translyaciyasini kuzatib borish mumkin. Bundan tashqari "Elche" - "Barselona" va "Atletiko" - "Malaga" uchrashuvlaridagi natija shu erda berib boriladi.

                                 MATNLI TRANSLYACIYA
                                             YANGILASH


Barchaga etibor uchun tashakkur! Bugun xizmatingizda SHahboz Beg'amov bo'ldi. Keyingi uchrashuvlar saytimiz orqali g'oyiboni ko'rishguncha sog'-salomat bo'ling, Aziz futbol ishqibozlari!

Uchrashuv yakunlandi! "Real" esa chempionlikdan umidini uzishga majbur! Madridliklarga bu mavsumda Ispaniya chempioni bo'lish nasib etmadi!

92` "Selta" jamoasi "Real"ni jarima maydonchasi ichiga "qamab" qo'yishdi!

90` Uchrashuvga 3 daqiqa vaqt qo'shib berildi.

89` "Selta"ning xavfli hujumi! Diego Lopez ikki marta juda kuchli zarbani bartaraf etdi va jamoasini yirik mag'lubiyatdan qutqarib qoldi.

88` Villianning zarbasini Alvares ortiqcha qiyinchiliksiz ushlab oldi.

87` "Real" futbolchilari hech narsa qila olishmayapti...

85` "Real"ning navbatdagi hujumi va yana besamar yakunlanmoqda.

83` Ilyarramendining kuchli zarbasini Alvares bartaraf etdi.

80` Hozircha qolgan o'yinlarda  "Elche" - "Barselona" 0:0, "Atletiko" - "Malaga" 1:1 hisoblari qayd etilmoqda. Hammasi "Barselona" jamoasiga foydasiga xizmat qilmoqda. CHempionlar ligasi finalchilari esa bugun o'zlariga o'xshashmayapti.

78` Serxio Ramos tartibni buzgani uchun ogohlantirildi. "Selta"dan Kabral ham sariq kartochkaga ega chiqdi.

75` Bugungi o'yin "Selta" istagandek o'tmoqda. "Real" Ronaldo va Beylsiz "Selta"ga qarshilik qilishga qiynalib qoladigan jamoaga o'xshab qolgan.

72` "Selta" bosh murabbiyi sobiq "Barselona" futbolchisi Luis Eprike bugun "Real"ni mag'lub etmoqda.

70` "Real" bugun maktab bahosida "2"ga loyiq o'ynamoqda!

68` "Real"da o'zgarish. Kazemiro o'rniga Joze Villian tushdi.

65` GOL! Qo'shni o'yinda ham gol kiritildi. "Malaga" "Atletiko" darvozasini ishg'ol etmoqda! "Malaga" tarkibidan Samu Kurtuani ranjitishga erishdi.

63` GOOOOOOOOOOOOL! SHARLES! 2:0! Xabi Alonsodan endi yosh bolalarcha xato! "Real" futbolchilari bugun nimalar qilishmoqda? Alonso SHarlesga shundaygina to'pni o'z jarima maydonchasi oldida soqg'a qildi va SHarles ikkinchi golni yana Diego Lopezni aldab o'tib kiritdi!

61` "Real" bugun ko'p marotaba burchak to'plarini amalga oshirdi. Lekin ulardan hech biri madridliklarga naf keltirmadi.

58` "Selta" tarkibida o'zgarish. Agusto Fernandez o'rniga Aleks Lopez maydonga tushdi.

56` Penalti?  Diego Lopez "Selta" hujumchisiga nisbatan qoidani buzgan edi. Ammo hakam bu vaziyatda hech narsa bo'lmadi deb topdi. Takroriy lavha esa aksincha bo'lganini ko'rsatmoqda.

53` Alvaro Morata!!!! Alvares!!!! Kuchli zaba va ajoyib "seyv"!

51` "Real" gol urdi. Aniqrog'i, Ramos o'yindagn tashqari holatda turib raqib darvozasini ishg'ol etdi. Qanot hakami bu vaziyatda hammasini ko'rib turgan edi.

49` "Real" kichik ustunlik bilan ikkinchi taymni boshladi. To'p madridliklarda. Xediraning to'p oshirishidan so'ng raqib himoyachilari to'pni maydon tashqarisiga chiqarib yubordi. Burchak to'pidan keyin esa "Real"da gol urish imkoni paydo bo'lgandi. Ammo to'pga zarba beradigan futbolchi topilmadi mehmonlarda.

46` Ikkinchi bo'lim boshlandi!

45` Birinchi bo'lim tugadi. TANAFFUS!

44` Serxio Ramosning xatosi hozircha o'yindagi vaziyatni yuzaga chiqarishda katta yordam berdi. "Selta" raqibiga nisbatan mazmunliroq o'ynayotgandi.

43` GOOOOOOOOOOOL! SHarles!!!! 1:0! Serxio Ramos bog'cha bolasidek xatoga yo'l qo'ydi va to'pni o'z jarima maydonchasi oldida raqibiga oldirdi. SHarles esa Diego Lopesni ham aldab o'tdi va o'zining kuchli zarbasi bilan darvozaga to'pni joyladi! 

39` "Real"ning navbatdagi hujumi samarasiz yakun topdi.

36` Isko! Nihoyat ushbu futbolchi raqib darvozasi tomon zarba berish kerakligini yodga oldi va yaqin burchakni ko'zladi. Lekin Alvares bu vaziyatda yaxshi harakat qildi.

34` "Real" to'pni o'z jarima maydonchasi atrofida saqlab turibdi. Hujumga o'tmayapti, yoki boshqacha aytadigan bo'lsak "Selta" bugungi "Real"ga hozircha imkon bermayapti.

32` Karlo Anchelotti xayolan CHempionlar ligasi final uchrashuvi haqida o'ylamoqda shekilli. Ispaniyada chempionlik masalasi endi ularning qo'llarida emas va madridliklar mamlakat chempionligidan umidlarini uzishgan ko'rinadi...

30` Nolito mezbonlar tarkibidagi eng faol futbolchilardan biri bo'lmoqda. "Real"dan esa hozircha hech bir futbolchini ajratib ko'rsatish qiyin.

28` Morata nihoyat "Selta" darvozasi tomon zarba yo'lladi. O'tkir burchakdan tepilgan zarbani Alvares bartaraf etishni uddasidan chiqdi.

26` "Selta"ning hujumi. Nolito bu vaziyatda o'yindan tashqari holatda qolib ketgan ekan. Mezbonlar faollashishdi. Mehmonlar esa aksincha.

24` Kazemiroga nisabatan qo'pollik ishlatildi. "Real" futbolchisiga tibbiy yordam ko'rsatiladi. Hakam esa ayblanuvchini kechirdi.

22` "Real" bugun g'alaba uchun maydonga tushganmi? Jamoa o'yinida etarli ishtiyoq va shijoat sezilmayapti.

19`  Rafinya Diego Lopes zerikib o'tirganligi ko'rdi va kzoqdan zarba yo'lladi. Diego Lopes uchun bu zarba "ermak" bo'ldi deyish mumkin. Hozircha bu uchrashuvda boshqa etiborga molik voqealar bo'lmayapti.

17` "Real" to'pni o'zida saqlab turibdi. Lekin raqib jarima maydonchasi oldida etarlicha vaziyatlar yarata olmayapti Karlo Anchelotti shogirdlari.

15` Hozircha parallel tarzda kechayotgan "Elche" - "Barselona" va "Atletiko" - "Malaga" o'yinlarida ham hisob ochilgani yo'q.

14` "Real" yana burchak to'pi tepdi va yana befoyda ketti bu urinish.

11` "Real" jamoasi bugun uchta etakchi futbolchisiz o'ynamoqda va ularning yo'qligi bilinmoqda. Ronaldo, Beyl, Pepe va Benzema bugun asosiy tarkibga kiritilmagan.

9` "Selta"ning hujumini Ramos to'xtatib qo'ydi va u o'z jamoasi hujumini boshlab berdi.

7` "Selta" uchrashuvdagi o'zining ilk hujumini amalga oshirdi. "Real" himoyachilari esa to'pni maydon tashqarisiga chiqarib yuborishdi. Burchak to'pidan esa mezbonlar samarali tarzda foydalana olishmadi.

5` "Real" burchak to'pini amalga oshirdi. Lekin bu vaziyatda "Selta" himoyachilari yaxshi harakat qilishdi va xavfni bartaraf etishni uddasidan chiqishdi.

3` "Real" jamoasi to'pni o'z nazoratida ushlab turibdi. "Selta" hozircha himoyaga ko'proq etibor qaratmoqda.

Uchrashuv boshlandi!

SHuningdek, "Atletiko" - "Malaga" va "Elche" - "Barselona" o'rtasidagi uchrashuv natijalari ham ushbu sahifa orqali yozib boriladi. Bizdan uzoqlashmang! Ha aytangcha, bugun Sizning xizmatingizda SHahboz Beg'amov bo'ladi.

Assalomu aleykum qadrli futbol ishqibozlari! Bugun Ispaniya chempionatining 37-turidan o'rin olgan "Selta" - "Real" bahsini saytimiz orqali matnli onlayn tarzida sharhlab boramiz!

- O'yinlar soat 22:00da boshlanadi.



Elche – Barselona 0:0 (o'yin tugadi)
11 may, 22.00, Martines Valero
Elche – Manu Errera, Pelegrin, Lomban, Suares, Sisma, K. Sanches, R. Peres, Mendes Rodriges, Xavi Markes, Xil, Koro.
Barselona – Xose Pinto, Serxi Gomes, Bartra, Maskerano, Dani Alves, Pedro, Inesta, Sanches, Fabregas, Adriano, Messi.

Atletiko – Malaga 1:1 (o'yin tugadi)
11 may, 22.00, Visente Kalderon
Gollar: Samu (65), Alderveyreld (74)
Atletiko – Kurtua, Xuanfran, Miranda, Alderveyreld, Filipe Luis, Gabi, Tiagu, Koke, R. Garsiya, Turan, Vilya.
Malaga – Kabalero, Elizeu, Veligton, Anxeleri, Antunesh, Kamacho, Darder, Samuel, Duda, Amrabat, Santa Krus.

Selta – Real Madrid 2:0 (o'yin tugadi)
11 may, 22.00, Balaydos
Gollar: SHarles (43, 63)
Selta – S.Alvares, Xoni Kastro, Inigo Lopes, Fontas, Aurteneche, Kron-Deli, Rafinya, Fernandes, Orelyana, Nolito, SHarles.
Real Madrid – Diego Lopes, Arbeloa, Ramos, Nacho, Marselo, Kazemiro, Xedira, Isko, Alonso, Modrich, Morata.