Ravshan Ermatov: "Rossiyaga yon bosmayman"

Ushbu bahs borasida hamyurtimiz o'z fikrlari bilan o'rtoqlashdi.

"Albatta mana shunday o'yinda ishlash juda yoqimli. Krasnodar. Yangi stadion! Ajoyib go'zallik! Aytgancha, bungacha Rossiya - Ozarbayjon o'yinida ishlaganman. SHuningdek, Kosta-Rika bilan ham tanishman. Ularni JCH chorak finalida Gollandiyaga qarshi o'yinlarida ishtirok etganman. O'shanda ular gollandiyaliklarga etarlicha muammolar tug'dirgandilar. RFI mana shu terma jamoa bilan o'rtoqlik o'yini tashkil etib juda to'g'ri qarorga kelgan.

Ushbu o'yin haqida hozircha hech narsa deya olmayman. Ayni paytda Saudiya Arabistoni va Avstraliya terma jamoalari o'rtasidagi o'yinga tayyorgarlik ko'rmoqdaman. Ana shundan keyin ushbu o'yinga tayyorlanamiz.

Rossiya terma jamoasidagi eng qo'pol futbolchi? Yo'q, bu haqida sizga hech narsa deya olmayman. Balki, barchasi teskari ko'rinish olishi mumkin (kuladi).

Maydonda professional bo'laman. O'z vaqtida O'zbekiston - Eron o'yinini boshqarib, Odil Ahmedovga qizil kartochka ham ko'rsatganman. SHu sababli, Rossiyaga ham yon bosa olmayman. Barchasi haqqoniy bo'ladi", - deydi Ravshan Ermatov.