Rauf Inileev: "Suriyani mag'lubiyatga uchrata olishimizga ishonaman"

- Terma jamoamiz uchinchi saralash bosqichini g'alaba bilan boshlashini juda xohlaymiz. O'yinlarni muvaffaqiyatli davom ettirish, birinchi turni qanday boshlashga bog'liq bo'ladi. O'yinlar taqvimi biz uchun yomon kelgani yo'q. To'g'ri, uyda o'ynash ham oson emas. Birinchi navbatda bosim yuqori bo'ladi. Lekin bugungi kunda tarkibimiz kuchli va ular bosimga dosh bera olishadi degan umiddaman. Suriyani mag'lubiyatga uchrata olishimizga ishonaman.

Suriyani qaysidir manoda "sirli tulpor" ham deyish mumkin. Boshqa tomondan olib qaraganda, Suriyada qanday vaziyat hukm surayotgani barchaga yaxshi malum. Iroq terma jamoasi 2007 yil shunday vaziyatda bo'lib yakunda matnoat ko'rsatib Osiyo kubogida chempion bo'lgandi. Suriya ham bugungi kunda shunday vaziyatda. Bu jamoa 3-bosqichga o'z-o'zidan chiqib qolmagan, - deydi Rauf Inileev "Futbol Ekspress" gazetasiga.