So’nggi yangiliklar

01:49А Серия. "Милан" мавсумдаги илк ғалабасини қўлга киритди  0 01:19"Манчестер Юнайтед" Антонини сотишга рози бўлди  1 00:58Саудия Арабистони. Роналдудан 940-гол, Феликсдан хет-трик: "Ал Насср" мавсумни йирик ғалаба билан бошлади  8 00:17Лени Йоро: "Манчестер Юнайтед" "Арсенал"га қарши зўр ўйнади, "Фулхэм" билан ўйинда омад етишмади"  5 23:59Саудия Арабистони. "Ал Ҳилол" мавсумни ишончли ғалаба билан бошлади  2 23:46"Ливерпуль" ва "Рома" келишувга эришди  0 23:25"CAFA Nations Cup-2025". Эронда ғалаба, Тожикистон Ҳиндистонга ютқазди  0 22:55Суперлига. "Динамо" — "Андижон" ўйини 15 ноябрь куни ўтказилади  1 22:30"CAFA Nations Cup-2025". Тожикистон уйда Ҳиндистонга ютқазди   4 21:45Жалолиддин Машарипов: "Янги мураббийни кучлироқ ўйинларда яхшироқ билиб оламиз, Осиё жамоаларини мураббийсиз ҳам ютганмиз"  29 21:20Жамшид Искандеров: "Ҳужумкор ўйнаймиз, лекин ҳар бир рақибни ҳурмат қиламиз"  5 21:00Бир ўйин тарихи. Ўмон - Ўзбекистон 4:2. Футболимиз тарихидаги энг ғалати мағлубият қандай юз берганди?  21 20:30Бир ўйин тарихи. Ўмон Ўзбекистонни Олмалиқда қандай мағлуб этганди? Аҳмедов дебют қилган, ПСЖ собиқ мураббийи Қосимовни енгган ўйин  2 20:06Интервью. Валерий Кичин: "Бухоро" кубокда сенсация қилса керак, "Нефтчи" чемпионликни қўлга киритиши мумкин"  4 19:39"Челси" собиқ футболчиси фаолиятини "Севилья"да давом эттиради  0

Bahrom Haydarov: "Navbahor" kabi jamoaga qarshi o'yinda 0:3 hisobidan keyin o'yinga qayta olish juda qiyin" Yangiliklar

Bahrom Haydarov: "Navbahor" kabi jamoaga qarshi o'yinda 0:3 hisobidan keyin o'yinga qayta olish juda qiyin"

Superliga 11-turidan o'rin olgan "Navbahor" - "Qo'qon-1912" (3:0) uchrashuvidan so'ng mehmonlar bosh murabbiyi Bahrom Haydarov matbuot anjumanida ishtirok etdi.

"Navbahor"ni bugungi chiroyli g'alaba bilan tabriklayman. Muxlislarimizdan uzr so'rayman. Raqibimiz dastlabki 20 daqiqada tezkor futbol namoyish etdi. Biz ham bunga tayyor edik, ammo buni eplay olmadik. Odilov va Jiyanovlar ko'p xavf tug'dirishi bilardik. Bugun ularni to'xtatib qola olmadik. Ikkinchi bo'limda esa vaziyatlarimiz bo'ladi deb o'zgarishlar qildik. Keyin esa penalti va 3:0 hisobi. Shunga qaramay futbolchilar oxirigacha kurashdi. Imkoniyatlarimizdan foydalanishimiz uchun biroz mahorat etishmadi. Vaziyatlarning 50%dan foydalansak, natija boshqacha bo'lar edi" - deya fikr bildirdi Bahrom Haydarov bugungi bahs haqida.


- Jiyanov va Odilov haqida gapirdingiz. Sizning jamoangizga shunday tezkor vingerlar etishmayapti?

- Tezkor vingerlarni boshqa jamoalar olib qo'ydi. Biz Superligaga endi qaytdik va bizdek jamoalar futbolchilarni o'z safiga qo'shib olishda qiynalishadi. Nasib qilsa, Superliganing "ishonchli" ishtirokchisiga aylansak, Odilov va Jiyanov kabi mahoratli futbolchilarni safimizga jalb eta olamiz. Biz yangi jamoa tuzdik. Hali o'zgarishlar ham bo'ladi. 

- Qo'qon shahri hokimligi jamoadan qanchalik etibor qaratmoqda? 

- Ko'pchilikka malum bo'lsa kerak, bizning jamoada asosiy homiy yo'q. Viloyat hokimi imkon qadar yordam berib kelmoqda va homiy izlash jarayonida. Rahbarlarimiz Superligaga chiqish maqsadini qo'yishgan va imkon qadar yoshlarni o'ynatish maqsadi qo'yilgan edi. Tarkibimizdagi yoshlar esa har doim ham barqaror o'yin namoyish eta olishmayapti. Bunga 2-3 yil vaqt kerak. Misol uchun, "Surxon" va "So'g'diyona" kabi klublar yoshlardan iborat yaxshi tarkib tuza olgan va Superligada munosib ishtirok etib kelmoqda. Kelajakda akademiya va bazani ishga tushirish maqsadimiz bor. Joriy mavsumda maydon va mashg'ulot maydonini tamirlash uchun ham katta mablag' sarflandi. Rahbarlar jamoaga etibor berishni istamoqda. O'zingiz bilasiz, Qo'qon shahri mamlakatimiz futbolining vatani hisoblanadi. Xalqni xursand qiladigan jamoa yaratishimiz kerak. Har doim ham rejamizdagidek bo'lmayapti, so'nggi uchta turda yutqazdik. Qiyin vaziyatlardan birdamlik bilan chiqib keta olgan jamoa kuchli hisoblanadi.

- "Qo'qon-1912" ikkinchi golni juda tez o'tkazib yubordi. Ushbu gol jamoaning o'yinga tayyorlagan rejasiga qanchalik tasir qildi?

- O'yinni keyinchalik ham tahlil qilib ko'rib chiqaveramiz. Hozir esa dastlabki hissiyotim bilan bo'lishsam. Standart vaziyatlar ustida ko'p ishlaymiz, ammo birinchi va ikkinchi gol oralig'i juda kam bo'ldi. Keyin esa uchinchi gol. "Navbahor" kabi jamoaga qarshi o'yinda 0:3 hisobidan keyin yana o'yinga qayta olish juda qiyin.



Reyting: +1   

Fikrlar

championat.asia
< so’nggi yangiliklarni ko’rish
Яндекс.Метрика