Rasman: Ulug'bek Bakaev "So'g'diyona"ni tark etdi
07 noy 2022 10:44
Yangiliklar

Rasman: Ulug'bek Bakaev "So'g'diyona"ni tark etdi

Bir necha yillar davomida "So'g'diyona"ning muvaffaqiyatli yurishlarida katta jonbozlik ko'rsatib kelgan murabbiy Ulug'bek Bakaev Jizzax klubidan ketdi.

Bu haqda klub matbuot xizmati xabar berdi.

Ulug'bek Bakaev jamoani 2019 yilning aprel oyida qabul qilib olgan bo'lsa, shu yilning o'zida 4-o'rinni olishga muvaffaq bo'lgan edi.

2020 yilgi mavsumda 6-o'rin qo'lga kiritildi.

Ulug'bek Bakaev boshchiligidagi "So'g'diyona" 2021 yil o'zining eng yaxshi natijasini ko'rsatib, Superligada tarixiy kumush medallar sohibiga aylandi.

2022 yilda klub OFK Kubogi hamda O'zbekiston Kubogi yarim finalida qatnashdi. Har ikki yarim finalda penaltilar seriyasida imkoniyat boy berildi.

Malumot o'rnida, Bakaev "So'g'diyona" murabbiyi sifatida Superligada 98 o'yinda 41 g'alaba, 32 durang va 25 mag'lubiyat qayd etdi.

Avvalroq "Eshitdik-da" rukni ostida Bakaev "So'g'diyona"ni tark etgani haqida xabar bergan edik.

Havola :

Manba : "Сўғдиёна" матбуот хизмати

Yangiliklarni Telegramda o'qing!

Reyting: +4