Rasman: Kamara - "Roma" futbolchisi!

Rimliklar 25 yoshli yarim himoyachini “Olimpiakos”dan 2022/2023 yilgi mavsum oxirigacha ijaraga olishdi. Ushbu muddat tugagach, “bo'rilar” futbolchini sotib olish huquqiga ega. Kamara 20-raqamli libosda to'p tepadi.

"Bu erda ekanligimdan juda xursandman, “Roma”ga o'tish men uchun ajoyib imkoniyat. Bu mavsum ham chempionat, ham kubok bahslarida shiddatli bo'ladi. Men barcha turnirlarda jamoaga o'z hissamni qo'shish va yordam berish uchun harakat qilaman. "Olimpiko" stadionidagi muxlislarni ko'rish ajoyib zavq bag'ishladi. Ularning qarshisiga chiqishga sabrim chidamayapti", — dedi Kamara.

Eslatib o'tamiz, “Roma” navbatdagi o'yinini 4 sentyabr kuni “Udineze”ga qarshi o'tkazadi.