"Aqldan ozayotgan" "Tottenxem" o'z tarixidagi eng qimmat transferni amalga oshirishga tayyorlanmoqda

Jurnalist Janluka Di Marcioning malumotiga ko'ra, "shporlar" 22 yoshli futbolchi uchun "Bornmut"ga 70 million evro to'lashga tayyor turibdi. Buning uchun futbolchining o'zi ham transferga rozilik bildirishi kerak.

PSJ ham ukrainalikka davogarlik qilmoqda va bunga qadar 60 million evrolik taklif ham jo'natgandi. Biroq bu taklif ingliz klubi tomonidan rad qilingan.

Zabarniy o'tgan mavsumda APLning 36 o'yinida ishtirok etdi.

Malumot uchun, "Tottenxem" bunga qadar Muhammad Kudusni sotib olish uchun 63 million evro sarfladi va o'z tarixidagi ikkinchi rekord transferni amalga oshirdi. Shuningdek, Morgan Gibbs-Uaytning ham transferi amalga oshishga yaqin turibdi. "Shporlar" u uchun 69 million evro to'lashi kutilmoqda.