Qariya posbon uchrashuv qaydnomasiga kiritildi

"Stiveneyj" jamoasi posboni Deyv Bizant "Karlayl" bilan bo'lgan o'yinda zaxirada qoldirildi. Agarda ushbu posbon maydonga tushaganida, unda angliyalik futbolchilar orasida rasmiy uchrashuvda maydonga tushgan eng qariya futbolchiga aylanardi.

Bu rekord hozircha Nil Makbeynga tegishli bo'lib turibdi. Ushbu futbolchi 1947 yilda o'zining 51 yoshida maydonga tushgan.

Aslida Deyv Bizant darvozabonlar murabbiyi bo'lib ishlaydi. Uning qaydnomadan o'rin olishi sababi esa, "Stiveneyj" jamoasining ikkinchi posboni, Deyv Bizantning o'g'li Semning jarohat olganligi bo'lgan.