Pro Liga. Javohir Sohibov: “Turon”da ro'y berayotgan yangiliklar futbolchilarning kayfiyatini yanada ko'taradi”

Islom Ismoilov boshchiligidagi jamoa azolari kecha yig'in doirasida tashkil etilgan nazorat uchrashuvida “Navbahor”ga qarshi maydonga tushdi. Teng suratlar ostida kechgan bahsda Andrey Kanchelskis shogirdlari kichik 1:0 hisobida g'alaba qozondi. Mazkur bellashuvdan so'ng yaypanliklarning tajribali futbolchisi Javohir Sohibovning fikrlari bilan qiziqdik.

“To'g'ri, hali chempionat boshlanmasidanoq karantin elon qilindi. SHunday bo'lsada murabbiylarimizning ko'rsatmalari bilan uyda qo'ldan kelgancha yakka tartibda mashg'ulotlarni olib bordik. “Turon” oldiga yil boshida Superligaga yo'llanma olish vazifasi qo'yilgandi. Bu borada klubda keng hajmdagi ishlar olib borilmoqda. Jamoaga yangi zamonaviy avtobus berildi, uy uchrashuvlarini o'tkazadigan maydonimiz chimi yangilandi. Stadionda ko'p ishlar qilindi. Umuman olganda klubda ro'y berayotgan yangiliklar futbolchilarning kayfiyatini yanada ko'tarmoqda, barcha sharoitlar yaratib berilyapti. Bizdan faqat maydonga chiqib futbol o'ynash va g'alaba qozonish talab qilinali, xolos. Tarkibimiz kuchaytirildi. Superligada o'ynagan tajribali futbolchilar taklif qilindi. Mashg'ulotlarda asosiy etibor bir-birimizni o'zaro yaxshi tushunib olishga va jamoaviy o'yinni shakllantirishga etibor berilmoqda. CHunki, ancha vaqt o'yin amaliyotisiz qolib ketdik. “Navbahor” bilan nazorat o'yinida murabbiylar to'pni ko'proq o'zimizda ushlashimizni talab qilishdi. Yomon o'ynamadik deb o'ylayman”,- deydi mahoratli yarim himoyachi.

Abdulaziz Iskandarov yozib oldi